Accessibility links

Breaking News

Spò Aktyalite 1/31/05


CONCACAF U-20

Onduras ak Kanada kalifye pou chanpyona mondyal Juniò ki gen pou dewoule nan La Oland ane sa a. Onduras kalifye apre yo fini 2 zièm nan group B a gras ak yon viktwa 2 a 0 yo ranp̀òte devan Meksik nan San Pedro Sula, Onduras. Kanada kalifye tou apre viktwa 1 a 0 yo ranpöte devan Jamayik.

Onduras, Kanada, Etazuni ak Panama ap reprezante zòn konkakaf la nan koup du mond la.

Yon lòt kote Etazuni, Meksik, Panama, Gwatemala, Trinidad and Tobago, Kosta Rika ap pare pou patisipe nan ekzagonal final koup du mond Almay 2006 la 9 Fevriye lè Etazuni ap vizite Trinidad and Tobago, Kosta Rika ap akeyi Meksik epi Gatemala ap fè yon kout pye nan Panama.

End / Je Commonwealth 2010

Yon minis nan gouvènman endyen an anonse New Delhi ap akeyi Je Commonwealth yo an lan 2 mil 10--nan moman bri tap kouri pou fè konnen gouvènman an pat pataje ide a.Gouvènman an fòme yon komite apre yo te resevwa avètisman sou posibilite pou yo ta pèdu dwa pou òganize konpetisyon an si yo pat mete sou pye yon komite òganizatè prese/ prese.

CN-63 Gebrlassie / Marathon

Kourè Etyopyen, Haile Gebrselassier, ki ranpöte 2 meday dò Olenpik nan kous 10 mil mèt, siyen yon akò pou l patisipe nan maraton Lond yo pandan 3 pwochèn ane yo. Premye maraton an ap demare 17 Avril ak lòt patisipasyon atlèt tankou Italyen Stefano Baldini, Maroken Jaoud Gharib ak Kenyan Paul Tergat.

Belu / Demisyon

Octavian Belu, antrenè jimnastik Woumen pandan je zolemik Atè n 2 mil 4 yo demisyone akoz yon seri de akuzasyon kap fè kont li ansanm ak yon löt antrenè ki ta mande yon atlèt pou peye yo 30 pou 100 nan prim yo resevwa nan konpetisyon prive. Belu rekonèt li te resevwa lajan nan atlèt-la men di li te resevwa lajan an siy de remèsiman e non yon demand.

NBA

Dwayne Wade make 30 pwen e trape balon an 8 fwa pou ede Miami Heat ranpòte yon bèl viktwa 104 a 95 devan Houston Rockets. Sakramento Kings tronpe vijilans Minnesota Timberwolves 94 a 84. Phoenix Suns danse sou Toronto Raptors 123 a 105. Bò kote Univèsitè yo Univèsite Maryland ranpöte yon viktwa de justès devan Georgia Tech 71 a 70 pandan Duke woule Virjinya 100 a 65.

Aussie Open

Rus Marat Safin te bezwen 4 manch pou l kale Ostralyen Lleyton Hewitt nan tounwa tenis Open Ostrali a 1-6, 6-3, 6-4, 6-4. Safin ranpöte tounwa-a apre 3 tantativ . Msye te tonbe devan Swis Roger Federer ane pase epi an 2 mil 2 devan Swedwa Thomas Johansson.Safi deklare apre rankont la: "Plis mwen tap antre nan match la se plis konfyans mwen tap genyen malgre mwen te pran yon seri de risk. Situasyon ki te mete m nan yon move pozisyon kote mwen te sèlman ap penyen lage."

Lleyton Hewitt echwe nan tantativ pou l tounen premye Ostralyen ki ranpòte tounwa a a domisil apre 17 tan lè Mark Edmondson te ranpòte konpetisyon an an 1976. Msye deklare:" Kèk jou apre rankont la mwen pral fè yon kout je an aryè pou m wè se te yon bon reyalizasyon e mwen pap regrèt. Mwen depanse tout enèji m nan tounwa a. Mwen kite teren an ak fyète."

Bò kote meda-m yo Serena Williams kale konpatriòt li Lindsay Davenport 2-6, 6-3, 6-0 pou-l ranpòte 7 tièm tounwa Gran Shelem nan karyè l.

Hewitt/ Cartwright

Malgre Hewitt pèdu tounwa tenis la pa anpeche fiyanse ak aktrès Ostralyen Bec Cartwright imedyatman apre rankont la.

Hingis

Swis Martina Hingis, ki ranpòte 5 tit Grand Shelem ap retounen nan sikwi entènasyonal la apre yon zobòy te mete l akote an lan 2 mil 2.

Athletisme/ Record du monde

Kourè Ethyopyen Tirunesh Dibaba bat yon nouvo rekò mondyal feminen nan kous 5 mil mèt konpetisyon an sal ki sot dewoule nan vil Boston Samdi.

Gebrselassie/ Marathon

Kourè Ethyopyen Haile Gerselassie ranpòte kous semi maraton ki tap dewoule an Espay yè Dimanch la.

XS
SM
MD
LG