Accessibility links

Sena Ameriken an Ratifye Nominasyon Condoleezza Rice Kòm Sekretè-Deta


Ak yon vòt 85 pou e 13 kont, Doktè Condoleezza Rice jwenn ratifikasyon ni nan Sena ameriken an jodi a pou pòs Sekretè-deta a. Malgre gwo kritik Demokrat yo te fè kont madan Rice pou wòl li nan dosye Irak la, li te jwenn apui nan tou 2 pati yo, pou li tounen dezyèm fi ki ap okipe fonksyon enpòtan sa a: Chèf diplomasi peyi Etazini.

Vòt jodi a rive yon jou apre yon deba ki te dire 9 èdtan, kote opozisyon demokrat la te kritike Condoleezza Rice ak gouvènman Bush la pou sa yo rele “echèk katastwofik” ki fèt nan Irak. Sepandan, Repibliken yo te ralye pou pran defans pwochen Sekretè deta a. Yo te vante kalifikasyon madam Rice, ak pakèt eksperyans li genyen nan domèn afè etranjè a, pou li ranplase Jeneral Colin Powell, alatèt Depatman Deta ameriken.

XS
SM
MD
LG