Accessibility links

Spò Aktyalite 1/24/05


Koup du monde Almay 2006/ Tikè

Òganizatè koup du mond Almay 2006 yo anonse premye faz vant tikè yo ap kòmanse 1 Fevriye 2 mil 5. 812 mil tikè ap disponib pou fanatik yo ki kapab achete 28 tikè maksimòm swa 4 tikè pou chak 7 match. Gen 440 mil syèj kap disponib pou envite espesyal ak meday yo. Premye faz vant tikè yo ap fini 31 Mas. Ap gen yon lòt lansman tikè kap soti 1 Desanm 2 mil 5 pou l fini 15 Janvye 2 mil 6, 1 Fevriye 2 mil 6 pou 15 Avril 2 mil 6 epi 1 Me 2 mil 6 pou 9 Juyè 2 mil 6. Pri tikè yo varye ant 46 a 784 dola. Kapab gen tikè pou vann nan stad kote rankont yo ap jwe.

Match amikal Entènasyonal

Trinidad and Tobago kale Azerbaijan 1 a 0 nan kad yon match amikal chofe jarèt Trinidadyen yo jwe nan Port of Spain avan yo patisipe nan ekzagonal final eliminatwa koup du mond Almay 2 mil 6 pou zòn KONKAKAF la. Panama, kap fè preparasyon tou, kale ekip Olempik Danmak-la 1 a 0. Kwadrangulè final koup Digicel la ap dewoule nan La Babad ak patisipasyon Kuba, Jamayik, Trinidad and Tobago ak la Barbad pou detèmine 3 reprezantan zòn Karayib la nan Koup Dò CONCACAF-la. Tounwa a ap kòmanse 20 pou fini 24 Fevrier 2005. Jamayik ap rankontre ak Trinidad and Tobago 20 Fevriye pandan ke Barbad ap jwe kont Kuba nan menm dat la. 22 Fevriye Kuba ap rankontre ak Trinidad and Tobago avan Barbad woule balon fas a Jamayik nan menm jounen an. Kwadrangulè a ap fini 24 Fevriye lè Jamayik pral tope kòn li fas a Kuba epi Barbad kont Trinidad and Tobago. 3 premye yo ap kalifye pou koup Dò CONCACAF-la kap dewoule isit Ozetazuni soti 6 pou rive 24 Juyè 2005.

NFL Final

Philadelphia Eagles ap rankontre ak New England Patriots nan 39 vièm edisyon final Superbowl chanpyona football zèpòl kare ameriken kap dewoule nan Jaksonvil 6 Fevriye. Philadelphia kalifye pou final la apre li ranpòte tit Konferans Nasyonal la fas a Atlanta Falcons ke li kale 27 a 10. Patriot yo, ki te ranpòte konpetisyon an ane pase, kale Pittsburgh Steelers 41 a 27.

La Chine/ Dopage

Komite Olempik Chinwa-a anonse 17 atlèt sou yon total 4000 tès te teste pozitif pou uzaj anabolizan ane pase. Atlèt ki tonbe anba sanksyon yo pa gen gwo renome mondyal. Gen 4 leve pwa, 5, 4 ki konn gonfle bibit yo, 2 footbalè, yon lutè, yon tirè ak siklis. Komite Olempik Chinwa-a pran sanksyon ki soti nan penalite, endiksyon pou pa patisipe nan oken konpetisyon pou yon periòd ki pa depase 2 zan.

Tennis / Australie

Ostralyèn Alicia Molik kalifye pou kar de final tounwa tenis Open Ostrali a apre li supran bonanj ameriken Venus William ak yon viktwa 7-5,7-6. Ameriken Andy Roddick kalifye pour kar fe final tounwa a apre li elimine alman Philipp Kohlschreiber 6-3, 7-6, 6-1. Ostralyen Lleyton Hewitt kale anba adolesan espayòl Rafael Nadal 7-5, 3-6, 1-6,7-6, 6-2.

Bò kote meda-m yo Rus Anastasia Myskina tonbe fas anba devan franse Nathalie Dechy 6-4, 6-2 apre li komèt 45 erè. Elena Dementieva ki se yon lòt Rus fè malèt li tou apre Swis Patty Schnyder kapote l an 3 manch 6-7, 7-6, 6-2. Dechy ap rankontre ak Schnyder nan kar de final-la nan fen semen nan. Ameriken Lindsay Davenport, ki se tèt de seri numewo 1 tounwa a, kalifye pour kar de final la apre li elimine ak 2 kout rakèt Kwat Karolina Sprem 6-2, 6-2.

NBA

San Antonio Spurs pilon-nen Sakramento Kings 103 a 73. Dallas Mavericks ranpòte yon viktwa de justès fas a Denver Nuggets 95 a 93. New York Knicks tonbe devan Milwaukee bucks 101 a 96. Phoenix Suns ranpòte yon viktwa tou mens devan New Jersey Nets 113 a 105. Toronto Raptors, Miami Heat ak Seattle Supersonics ranpòte la viktwa nan rankont ki jwe Dimanch 23 Janvye 2005 la.

XS
SM
MD
LG