Bank mondyal apwouve yon finansman k ap koute apeprè $320 milyon ameriken pou Ayiti, nan yon kominike ki pote dat madi 4 mas 2025 lan.
Daprè Bank mondyal, fon sila a rantre nan yon nouvo kad patenarya estratejik pou peyi a. Li marande tou ak yon plan tou nèf ki vize defini baz yon rebondisman ekonomik ak sosyal. Plan sa a pral etann li sou yon peryòd 4 lane : 2025-2029.
Nan objektif sa a, enstitisyon an mete kantite lajan sa a disponib pou fè sibvansyon. Yo presize sibvansyon sa yo ap pèmèt, pa egzanp, yo ranfòse rezilyans popilasyon ki pi fèb yo epi kreye opòtinite travay.