Inogirasyon sa a te fèt an prezans Patrick Almonor ki se « agent exécutif intérimaire » meri Okap. Nan diskou l, M. Almonor fè konnen omaj sa a ki fèt pandan Richie vivan an se yon zak ki montre anpil kouraj.
Patrick Almonor tou anonse plas Vincent tou gen yon nouvo non ki se : « Place des artistes » epi pral gen lòt estati konsa sou li pou onore atis nan mizik yo.
Estati ki onore Richie a te fèt Sendomeng. Li se zèv yon dominikano-italyen ki rele Padila C. Juan. Estati sa a koute apeprè 20 868 dola vèt.
Estati sa a vyole toutfwa atik 7 nan konstitisyon peyi a k entèdi yo bay espas piblik yo pote non yon moun ki poko mouri oswa fè estati yon moun pandan li tou vivan.