Yon konseye wo plase peyi Kenya ki travay sou kestyon ki gen pou wè ak sekirite deklare Mèkredi ke peyi li apiye demann Ayiti fè pou Nasyonzini konsidere konvèti misyon sekirite entènasyonal la nan yon misyon mentyen lapè LONU.
Monica Juma, konseye prezidansyèl Kenya sou sekirite nasyonal, deklare pandan yon rankont Konsèy Sekirite LONU Mèkredi ke Kenya, kap dirije misyon miltinasyonal la kwè yon misyon mentyen lapè ofisyèl taka pote plis resous pou konfwonte zak vyolans gang yo kap ogmante.
Misyon aktyèl la deplwaye yon faksyon polisye yon ti gwoup peyi te pwomèt e gen mwenske $100 nan fon dedifye a.
Pandansetan, gang yo kontinye ap vale teren.
