Mwayen Oryan
Blinken Rive Katar nan yon Misyon pou Chache yon Kanpo nan Lagè Gaza a
Sekretè Deta Etazini Antony Blinken rive nan Doha, nan peyi Katar, jodi madi a nan pwochen etap yon efò diplomatik pou jwenn yon kanpo nan lagè Gaza a ak yon antant pou lage otaj yo pandan gen domèn enpòtan kote Izrayèl ak Hamas pako ka antann yo.
Blinken te rankontre anvan sa nan jounen an nan vil Kèr ak Prezidan Ejip Abdel-Fattah El-Sisi, ki se prezidan yon peyi ki ap sèvi kòm medyatè nan chita-koze mode-lage ki ap fèt depi dè mwa ak Etazini e ak Katar. Sisi di apre rankont la ke li lè pou gen yon fen nan lagè Gaza a ki la depi 10 mwa e li avèti ke konfli a ka laji nan rejyon an.
Blinken, ki te vizite Izrayèl ayè lendi a fè konnen Premye-miinis izraelyen Benjamin Netanyahu te aksepte yon pwopozisyon Etazini ki ap chache redui mezantant ant 2 kan yo apre chita-koze semenn pase a ki pa te debouche sou okenn solisyon, e li te ekzòte Hamas pou aksepte pwopozisyon an tou.
See all News Updates of the Day
Ezbola di li te Lanse Misil sou Baz Izrayelyen nan Sid Haifa
Ezbola te anonse li te lanse dimanch yon misil nan yon baz militè Izrayelyen tou pre Haifa, nan nò peyi a, yon ti tan apre li te fin revandike yon atak dwòn ki te fè plis pase 60 blese nan sektè sa a.
Mouvman Islamis pwo-Iranyen an te di nan yon deklarasyon konbatan li yo te lanse "yon rado misil nan baz antretyen ak reyabilitasyon nan sid Haifa", pi gwo vil nan nò Izrayèl, atak sa te dedye ak ansyen lidè yo a, Hassan Nasrallah, ki te jwenn lanmò l 27 septanm nan yon frap Izrayelyen toupre Bewout.
Biden ak Netanyahu Pral Rete an 'Kontak Sere' nan Jou Kap Vini yo
Prezidan Ameriken Joe Biden ak Premye Minis Izrayelyen an, Benjamin Netanyahu, te dakò pou yo rete an "kontak sere" nan jou kap vini yo, dapre sa Mezon Blanch te anonse Mèkredi a, apre 2 lidè yo te diskite sou repons Izrayèl pral bay apre misil Iranyen an.
Nan yon apèl ak Netanyahu, Biden te ensiste tou sou "nesesite pou minimize enpak sou sivil yo, patikilyèman nan zòn ki gen anpil moun nan Beyrouth" pandan Izrayèl ap kontinye ofansif li nan Liban kont Ezbola, dapre sa kominike a rapòte.
Manifestasyon nan Dat 7 Oktòb la nan Manathan
Nan New York, Plizyè santèn manifestan te pran lari nan Manhattan pou pwoteste epi komemore dat atak 7 Oktob la sou Izrayèl
Yon Nouvo Lidè Hezbollah?
Izrayèl kontinye operasyon terès e ayeryèn li-yo nan Liban nan kad lit pou detwi nèt al kole Hezbollah.
Nouvo Atak Izrayelyen yo Nan Sid Beyrouth
Ajans ofisyèl libanè Ani rapòte nouvo atak Izrayelyen yo fè lendi 7 oktòb swa kont katye nan sid Beyrout, kote yo t ap bonbade san rete depi plizyè jou.
Ani te di, yon ti tan apre nouvo lòd evakyasyon lame Izrayelyen an te bay abitan zòn yo, sektè sa ki se bastyon Ezbola te sibi bonbadman, depi 23 septanm lè Izrayèl ak mouvman pwo-Iranyen kòmanse twoke kòn yo.
Yon korespondan AFP te wè gwo lafimen k ap monte nan katye sid yo apre li te tande eksplozyon.
Ani te rapòte yon nouvo frap "vyolan" Izrayelyen kont sektè sa a.
Byen bonè nan aswè, ajans lan te rapòte 6 frap youn apre lòt, fwa sa a san okenn lòd evakyasyon anvan.
Byen bonè nan Lendi, yon sous sekirite te di AFP fòs ayeryen Izrayelyen yo te fè yon frap tou pre ayewopò entènasyonal la.
Facebook Forum