Mwayen Oryan
Etazini ap Deplwaye Byen Militè Adisyonèl nan Mwayèn Oryan an
Lame Etazini pral deplwaye plis konbatan ak bato lagè fòs Naval la nan Mwayèn Oryan an dapre sa Pantagon nan anonse Vandredi.
Etazini ap chache ogmante defans li nan rejyon an fas ak menas Iran ak alye li yo - Hamas ak Hezbollah.
Korespondan VOA ki travay sou kestyon sekirite nasyonal rapòte ke Pantagòn nan voye gwoup bato lage USS Abraham Lincoln nan pou ranplase bato lage USS Theodore Roosevelt la, ansanm ak bato ki gen kapasite pou lanse misil kwazyè.
Se Sekretè Defans Lloyd Austin ki pase lòd pou fè ajistman sa yo. Yo gen kòm bi pou: "amelyore pwoteksyon fòs Etazini yo, ogmante sipò pou defans Izrayèl, epi asire Etazini pare pou reponn ak divès sityasyon.
Yon pati nan enfòmasyon pou repòtaj sa a soti nan Ajans Nouvel Reuters.
See all News Updates of the Day
Nouvo Atak Izrayelyen yo Nan Sid Beyrouth
Ajans ofisyèl libanè Ani rapòte nouvo atak Izrayelyen yo fè lendi 7 oktòb swa kont katye nan sid Beyrout, kote yo t ap bonbade san rete depi plizyè jou.
Ani te di, yon ti tan apre nouvo lòd evakyasyon lame Izrayelyen an te bay abitan zòn yo, sektè sa ki se bastyon Ezbola te sibi bonbadman, depi 23 septanm lè Izrayèl ak mouvman pwo-Iranyen kòmanse twoke kòn yo.
Yon korespondan AFP te wè gwo lafimen k ap monte nan katye sid yo apre li te tande eksplozyon.
Ani te rapòte yon nouvo frap "vyolan" Izrayelyen kont sektè sa a.
Byen bonè nan aswè, ajans lan te rapòte 6 frap youn apre lòt, fwa sa a san okenn lòd evakyasyon anvan.
Byen bonè nan Lendi, yon sous sekirite te di AFP fòs ayeryen Izrayelyen yo te fè yon frap tou pre ayewopò entènasyonal la.
Lagè Izrayèl nan Gaza: Ministè Sante Anonse Gen 41,965 Moun ki Mouri
Ministè Sante gouvènman Hamas, mouvman islamis ki sou pouvwa a nan Gaza, anonse jodi Madi a nouvo chif nan sa ki wè ak kantite moun ki pèdi lavi yo nan lagè a. Chif sa rive ak 41,965 ki mouri sou teritwa palestinyen an depi kòmansman lagè Gwoup Ame Hamas la ak Izrayèl yon lane apre.
Nan yon deklarasyon, ministè sante gwoup ame hamas ap dirije di omwen 56 moun mouri nan dènye 24 èdtan ki sot pase yo, e li ajoute ke 97,590 moun te blese nan band Gaza a depi kòmansman lagè a, 7 oktòb 2023 a.
7 oktòb 2023-7 oktòb 2024: Anivèsè Yon Lane Depi Gè Izrayèl-Hamas la Kòmanse
7 oktòb 2023-7 oktòb 2024, sa fè yon lane depi Gè Izrayèl-Hamas la eklate nan rejyon Mwayen-oryan. Jeanty Augustin Junior
Wòkèt Ezbola ki Frape Haifa a, nan Peyi Izrayèl
Yon bilding rezidansyèl ak yon twonson wout te andomaje nan Haifa, an Izrayèl, lendi 7 oktòb la apre plizyè wòkèt te travèse fwontyè a soti nan peyi Liban.
Videyo ki sòti nan espas la montre domaj minè pa deyò yon bilding ak kèk fenèt ki kase tonbe sou machin ki te pakinn pa anba.
Medya Izrayelyen yo rapòte gen 10 moun ki te blese nan atak sa sou twazyèm pi gwo vil Izrayèl la.
Ezbola te di li te vize yon baz militè nan sid Haifa ak yon kout misil "Fadi 1".
Atak Izrayelyen sou Fwontyè Liban ak Siri a Koupe Wout Prensipal Ant 2 Peyi yo
Ajans nouvèl libanè ANI rapòte ke yon atak Izrayelyen sou fwontyè yo ak Siri a koupe wout prensipal ki konekte 2 peyi yo vandredi.
Plizyè dizèn milye moun k ap kouri kite peyi Liban nan dènye jou sa yo, kote Izrayèl ap lage bonm san kanpe nan lide pou kwape Ezbola, konn itilize wout sa a pou yo al kache nan peyi Siri.
Facebook Forum