Venezyela
Venezyela: Irigwe Rekonèt Viktwa Opozisyon an nan Eleksyon Prezidansyèl yo
Gouvènman Irigwe a rekonèt vandredi viktwa kandida opozisyon an nan Venezyela, Edmundo Gonzalez Urrutia, nan eleksyon prezidansyèl dimanch la kote konsèy Elektoral Nasyonal la pibliye rezilta ki bay Prezidan Nicolas Maduro kòm venkè.
Nou espere otorite yo ap respekte volonte pèp Venezyelyen an, se sa Minis Afè Etranjè Omar Paganini ekri sou sosyal X kote li di : « Baze sou prèv ki fè mal, li klè pou Irigwe ke Edmundo Gonzalez Urrutia te jwenn majorite vwa nan eleksyon prezidansyèl Venezyela yo. »
See all News Updates of the Day
Opozisyon Venezyelyen an di Gonzalez Urrutia te Oblije Chape Poul li pou "Prezève Libète li ak Lavi li"
Lidè opozisyon Venezyelyen an, Maria Corina Machado, te di ke kandida opozisyon an, Edmundo Gonzalez Urrutia, te ale nan peyi Espay dimanch pou "prezève libète l ak lavi l".
Nan yon deklasyon Machado pibliye sou X li di: "Lavi li te an danje, ak miltiplikasyon nan menas li resevwa, envitasyon, manda arestasyon ke li te gen kont li, montre ke rejim nan pa gen okenn skrupul oswa limit nan obsesyon yo genyen pou yo fè li fèmen bouch li epi eseye kraze li."
Madam Machado asire Gonzalez Urrutia "pral kontinye batay la kote li ye a."
Venezyela: Blinken Bay Sipò l ak Kandida Opozisyon ki al nan Mawon Espay
Chèf diplomasi Ameriken an Antony Blinken bay sipò l dimanch ak kandida opozisyon Venezyelyen an, Edmundo Gonzalez Urrutia, ki te rive nan peyi Espay apre li mande peyi sa a azil.
Blinken te di nan yon nòt pou laprès: "Etazini kondane ak fòs desizyon (Nicolas) Maduro te pran pou sèvi ak represyon ak entimidasyon pou kenbe pouvwa a atravè fòs brital olye ke li rekonèt defèt li nan eleksyon an".
Nan deklarasyon an Blinken kontinye pou l di: " pandan 6 semèn ki sot pase yo, Mesye Maduro te arete prèske 200 Venezyelyen enjisteman, li te itilize sansi ak entimidasyon pou kenbe pouvwa a.”
Venezyela: Avoka Kandida Opozisyon an Konfime bay AFP ke Misye “Lage Pye l” Li Ale Espay
Edmundo Gonzalez Urrutia, kandida opozisyon Venezyelyen an ki fè kwè ke li menm ki genyen eleksyon prezidansyèl jiyè pase fas ak Nicolas Maduro, te kouri kite peyi a li ale an Espay, dapre sa avoka li José Vicente Haro te konfime pou ajans nouvèl AFP.
Li te deklare "Mwen konfime ke li te ale nan Espay," Mesye Haro te di, ki endike ke li pa t 'kapab fè plis kòmantè.
Vis-prezidan Venezyelyen an Delcy Rodriguez te anonse byen bonè ke Misye Gonzalez Urrutia te mande azil politik nan men peyi Espay e ke Venezyela te akòde "sofkonndwit nesesè nan enterè lapè ak trankilite politik nan peyi a.
Venezyela: Opozisyon an di Yo Dwe Rekonèt Gonzalez Urrutia Kòm "Prezidan Eli"
Opozisyon Venezyela, ki reklame viktwa nan eleksyon prezidansyèl ki te fèt nan Jiyè kont Nicolas Maduro, te mande kominote entènasyonal la jedi pou rekonèt kandida li Edmundo Gonzalez Urrutia, ki vize pa yon manda arestasyon, kòm prezidan eli.
Lidè opozisyon an, Maria Corina Machado te di pandan yon entèvyou sou entènèt ak òganizasyon Sosyete Amerik/Konsèy Amerik la: "Nou rive nan yon pwen kote nou dwe avanse. Sa a se moman kote Edmundo Gonzalez dwe rekonèt kòm prezidan eli Venezyela" .
"Mond lan konnen ke Edmundo Gonzalez se prezidan eli a e ke nou te byen bat Maduro. Mwen konprann ke nan yon pwen yo te mete presyon sou rejim nan pibliye rezilta yo, jan sa te planifye lalwa a nan Venezyela. "
Men (otorite yo) pa pral fè li paske rezilta yo ta pwouve ke nou te genyen " se deklarasyon sa lidè opozisyon an te fè.
Venezyela: Sòlda Ameriken yo Fouke a Pa t Gen Dokiman
Otorite Venezyela te fouke yon sòlda Ameriken depi nan fen mwa Out paske li "antre (nan peyi a) san okenn dokiman" dapre sa pwokirè jeneral Tarek William Saab te di jedi, san li pa bay plis detay.
Nan konfrerans pou laprès Saab deklare "Li te antre san okenn dokiman, san okenn mwayen de viv pou sa li t'ap vin fè nan peyi a (...) se sa mwen ka revele, mwen pa ka di anyen ankò."
Li fini deklarasyon an li an kote li te presize ke sòlda a te gen "doub nasyonalite" Ameriken ak Meksiken, e li asire ke "prensipal nasyonalite sitwayen sa a (se) Meksiken". "Nou toujou vijilan ak atantif pou asire ke pwosedi yo regilye".
Yon manm maren Ameriken an, te jwenn arestasyon li 30 out pase a nan Caracas, dapre sa Pentagòn lan di.
Yon pòtpawòl Pentagòn te di Jedi pandan yon konferans pou laprès, yo gen anpil detay sou ensidan sa a.
"Maren sa a te nan yon vwayaj pèsonèl nan Venezyela. Sa a pa te yon bagay ki otorize. Depatman Deta a rekòmande pou pèsòn pa vwayaje nan peyi sa a ".
Arestasyon sa a rive nan moman Etazini, ki pa rekonèt re-eleksyon Nicolas Maduro, sezi yon avyon prezidan venezuelyen an.
Yon aksyon ke Venezyela dekri kòm yon zak "pirataj".
Depatman Deta Ameriken an konseye sitwayen li yo pa vwayaje nan Venezyela, yo site an patikilye risk ki lye ak krim ak arestasyon enjis.