Mwayen Oryan
Hezbollah deklare li Lanse Plizyè Douzèn Wokèt nan Nò Izrayèl
Hezbollah te anonse ke li te lanse plizyè douzèn wòkèt nan nò Izrayèl Jedi, an repons a yon atak ki te touye kat siryen nan sid Liban, premye atak gwoup Libanè a depi asasina youn nan lidè militè li yo madi aswè.
Hezbollah te anonse ke li lanse plizyè douzèn wòkèt nan nò Izrayèl Jedi pou reponn yon atak ki te touye kat Siryen nan sid Liban. Se premye atak gwoup Libanè a depi asasinay yon lidè militè li madi nan aswè.
Konbatan Hezbollah yo di yo "lanse plizyè douzèn fize katyusha" sou kibboutz Matzuva, se sa yon mouvman pro-Iranyen an di nan yon deklarasyon, « pou reponn atak lènmi Izraelyen an sou lokalite Chamaa kote li te touye plizyè sivil. »
See all News Updates of the Day
5 moun Pèdi Lavi yo nan Yon Atak Izraelyen nan La Siri
Omwen 5 moun te pèdi lavi yo dimanch swa, dapre sa medya ofisyèl siryen yo te rapòte, apre yon atak Izraelyen ki vize sit militè nan rejyon santral peyi Siri ki gen ladan yon sant rechèch, dapre yon ONG.
Direktè lopital gouvènman Masyaf la, Faisal Haidar te di ke "Kantite viktim agresyon Izrayelyen te fè sou plizyè sit toupre Masyaf koze lanmò 5 moun ak 19 blese, kèk ladan yo te blese grav".
- Jacquelin Belizaire
Sòlda Izrayelyen Tire Nan Tèt Yon Sitwayen Ameriken Ki Tap Manifeste nan Sisjòdani
Yon sitwayen ameriken ki t ap patisipe nan yon manifestasyon kont ekspansyon koloni yo nan Sisjòdani te jwenn lanmò li apre li pat rive siviv de blesi li yo vandredi apre twoup Izraelyen yo te tire l nan tèt, dapre sa ajans ofisyèl palestinyen WAFA rapòte.
Blinken Mande Izrayèl la ak Hamas pou yo Aksepte Akò Seselfe a
Chèf diplomasi Ameriken an Antony Blinken te mande Jedi Izrayèl ak gwoup Palestinyen an Hamas pou yo finalize akò seselfe a nan Gaza, sa ki konfime evalyasyon Ameriken yo dapre sa ki rapòte ke akò a te pare.
Blinken te di nan yon konferans pou laprès ki pandan pasaj li Ayiti: “Se vrèman 2 pati yo ki pou rive jwenn yon akò sou pwoblèm ki rete yo.
"Si nou rive jwenn yon akò kanpe goumen nan Gaza, nou pral kapab avanse sou chemen nòmalizasyon" ant Izrayèl ak Arabi Saoudit, li te mansyone tou, e sa ta finalize avan fen manda Prezidan Joe Biden nan mwa janvye 2025.
Sòlda Izrayelyen yo Tire Nan Tèt Yon Sitwayen Ameriken Ki Tap Manifeste nan Sisjòdani
Yon sitwayen ameriken ki t ap patisipe nan yon manifestasyon kont ekspansyon koloni yo nan Sisjòdani te jwenn lanmò li apre li pat rive siviv de blesi li yo vandredi apre twoup Izraelyen yo te tire l nan tèt, dapre sa ajans ofisyèl palestinyen WAFA rapòte.
Lame Izrayelyen an te di ke li t ap chèche envestige sa ki nan rapò a. Anbasad ameriken an pa fè okenn reyaksyon imedya sou ensidan an.
Viktim nan te gen 2 nasyonyolalite: a savwa Tik ak Ameriken.
Depatman Deta Ameriken an ak Minis Afè Etranjè peyi Latiki konfime lanmò Aysenur Ezgi Eygi. Ministè Tik la te di sòlda Izrayelyen yo te touye l e li te dekri ensidan an kòm yon "zak asasina ke gouvènman Netanyahu te fè".
Pòtpawòl Depatman Deta Ameriken Matthew Miller te deklare "Nou o kouran lanmò trajik yon sitwayen Ameriken, Aysenur Eygi, jodi a nan Sisjòdani. Nou ofri kondoleyans pwofon nou bay fanmi li ak moun li renmen yo".
"Nou ap rasanble plis enfòmasyon ijan pou nou konnen sikonstans lanmò li, epi n ap gen plis pou nou di pandan n ap aprann plis. Priyorite nou se sekirite sitwayen Ameriken yo".
Fouad Nafaa, chèf Lopital Rafidia nan Naplouse, te di Reuters ke fanm nan te rive nan lopital la nan yon kondisyon trè kritik, ak yon blese nan tèt grav.
"Nou te eseye fè yon operasyon reanimasyon sou li, men malerezman li te mouri" .
Netanyahu Mande pou Izrayèl Kontwole Fwontyè Gaza ak Ejip la
JERUSALEM (AP) — Premye Minis Izrayelyen Benjamin Netanyahu di Izrayèl dwe kenbe kontwòl fwontyè Gaza a ak peyi Ejip la, e li kanpe sou pozisyon sa ki menase pou deraye efò pou rive jwenn yon seselfe ant 2 fòs ki ap batay yo.
Netanyahu pale konsa nan moman Etazini ap devlope yon nouvo pwopozisyon pou 2 pati yo jwenn yon akò ki ap pèmèt otaj yo jwenn liberasyon yo, ak espwa pou mete fen nan lagè a ki prèske rive sou 11 mwa.
Kesyon pou Izrayelyen yo kenbe kontwòl koridò Philadelphi a -- yon teren jennen sou fwontyè Gaza ak peyi Lejip la, ke twoup yo te sezi nan mwa Me a -- te vin tounen yon baryè santral nan chita pale yo.
Hamas reklame pou Izrayèl wete twoup li nèt nan Gaza. Netanyahu di toutotan pa gen yon lòt moun pou kontwole fwontyè a, "nou la."
Facebook Forum