Accessibility links

Breaking News

Mwayen Oryan

3 Solda Izraelyen Mouri nan Rafah

Lame Izraelyen di jodi mèkredi a 3 solda li tonbe nan vil Rafah nan sid Gaza, kote rezidan yo rapòte nouvo atak Izralyen, e Hamas di li tire wokèt sou fòs Izrayèl yo.

Dènye atak yo fèt pandan Federal Entènasyonal LaKwa Wouj ak Sosyete Kwasan Wouj yo di fòk gen yon kanpo nan batay ki ap dewoule nan Gaza, e ke gwoup imanitè yo dwe ka antre pou pote èd bay Palestinyen ki nan gwo bezwen apre preske 8 mwa nan lagè.

Etazini eksprime “gwo enkyetid” ayè madi a akoz sa ki sanble yon frap izraelyen dimanch la ki touye pou pi piti 45 Palestinyen ki pran abri nan yon kan refijye nan Rafah e blese 200 lòt. Etazini di li ekzòte Izrayèl pou li mennen yon ankèt total sou sa.

« Imaj sa yo kase kè nou, » se sa pòtpawòl Depatman Deta Matthew Miller di jounalis yo.

See all News Updates of the Day

Anvwaye Biden nan Mwayen Oryan di li "Ijan" pou Rezoud Konfli ant Hezbollah ak Izrayèl la

FILE PHOTO: U.S. envoy Amos Hochstein speaks during a press conference after meeting with Lebanese Parliament Speaker Nabih Berri in Beirut
FILE PHOTO: U.S. envoy Amos Hochstein speaks during a press conference after meeting with Lebanese Parliament Speaker Nabih Berri in Beirut

Anvwaye espesyal Ameriken Amos Hochstein mande Madi yon plan "ijan" pou bese tansyon sou fwontyè Izrayel ak Liban kote prèske chak jou Hezbollah a ak fòs Izrayelyen yo kap fè echanj kout zam.

Anvwaye a te di pandan yon vizit nan vil Beyrouth ke "Konfli ant Izrayèl ak Hezbollah dire ase lontan," li ajoute: "Li nan enterè tout moun pou rezoud li rapidman ak diplomatikman, li posib e li ijan pou sa rezoud."

Netanyahu Kraze Kabinè Lagè a

Israel Palestinians
Israel Palestinians

TEL AVIV, Izrayèl (AP) — Ofisyèl Izrayelyen yo di Lendi 17 jen an ke Premye Minis Benjamin Netanyahu kraze Kabinè Lagè a ki te responsab pou dirije lagè nan Gaza.

Kabinè Lagè a te kraze apre Benny Gantz te demisyonen.

Gantz se lejislatè opozisyon an ki te rantre nan kowalisyon pou kreye kabinè a nan premye jou lagè a.

Li te mande pou yo fòme yon ti Kabinè kòm yon fason pou mete sou kote lejislatè ekstrèm dwat yo nan gouvènman Netanyahu a.

Gantz, Netanyahu ak Minis defans Yoav Gallant te manm kabinè sa, e yo te pran desizyon kle ansanm pandan tout lagè a.

Gaza: Biden Di Se Hamas ki "Prensipal Obstak" Akò Lapè a

U.S. President Joe Biden arrives for the G7 summit in Italy
U.S. President Joe Biden arrives for the G7 summit in Italy

Prezidan ameriken an, Joe Biden, akize Hamas kòm "obstak prensipal seselfe a ".

Akò a, ke Etazini patwone, ki gen ladann yon fen nan lagè ant militan Hamas yo ak Izrayèl epi tou liberasyon tout otaj Izrayelyen ki nan men li yo.

Nan konferans pou laprès li te fèt pandan somè G7 la nan peyi Itali, Biden deklare "Mwen te soumèt yon pwopozisyon ki te apwouve pa Konsèy Sekirite a, pa G7 la, pa Izrayelyen yo, e Hamas refize siyen l, menm si yo pwopoze yon bagay ki sanble parèy ".

Blinken di Medyatè yo Pral Kontinye Chache yon Antant sou Seselfe Gaza a

Sekrete d Eta Antony Blinken (mitan) mache anvan li kite vil Doha, Katar, Mekredi 12 Jyen, 2024.
Sekrete d Eta Antony Blinken (mitan) mache anvan li kite vil Doha, Katar, Mekredi 12 Jyen, 2024.

Sekretè d Eta Antony Blinken di medyatè yo pral kontinye eseye jwenn yon antant sou ako seselfe a apre Hamas te pwopoze pou fè plizyè chanjman nan plan sa a ke Etazini apiye.

Blinken deklare Mèkredi ke kèk pami chanjman Hamas yo aplikab e gen kèk ki pa aplikab.

Ale-vini pa rapo ak seselfe a ogmante fristrasyon pati konsène yo ki jwenn anpil difikilte pou yo antann yo pou mete fen nan yon konfli ki dire 8 mwa e ki ratibwaze Gaza nèt. Gen plizyè dizèn milye Palestinyen ki pèdi lavi yo epi Hamas kontinye kenbe otaj Izrayelyen.

Optimis moun te genyen anvan vinn disparèt kounyea akoz gwo diferans ki toujou egziste ant 2 pati yo.

Izrayèl Di L ap Reponn Dan Pou Dan, Kif- Kif, Tout Atak Hezbollah

An Israeli soldier walks near military vehicles, amid the ongoing conflict between Israel and the Palestinian Islamist group Hamas, near Israel's border with Gaza in southern Israel
An Israeli soldier walks near military vehicles, amid the ongoing conflict between Israel and the Palestinian Islamist group Hamas, near Israel's border with Gaza in southern Israel

Ofisyèl Izrayèl Jedi 13 me a deklare yo pral reponn "ak tout fòs" a "tout atak Hezbollah" ta fè kont yo.

Dirijan Izrayelyen yo fè deklarasyon sa yo apre mouvman Islamis Libanè a te tire plizyè wòkèt sou Izrayèl atravè fwontyè yo pandan 2 jou ki sot pase yo.

David Mencer, ki se pòtpawòl gouvènman Izrayelyen an, te deklare nan yon konferans pou laprès: "Izrayèl la pral reponn avèk fòs ak tout atak Hezbollah. "Kelkeswa atravè efò diplomatik oswa otreman, Izrayèl pral retabli sekirite nan fwontyè nò li yo".

Mouvman Islamis Libanè a Hezbollah te lanse nouvo atak wòkèt ak dronn Jedi kont baz ak pozisyon lame Izrayelyen an, apre lanmò youn nan kòmandan li yo nan yon atak Izraelyen.

Load more

XS
SM
MD
LG