Accessibility links

Breaking News

Mwayen Oryan

Gaza: Retrè Twoup Izrayelyen nan Lopital Shifa a

Aftermath of a two-week Israeli operation at Al Shifa Hospital and the area around it
Aftermath of a two-week Israeli operation at Al Shifa Hospital and the area around it

DEIR AL-BALAH, Gaza Strip (AP) — Rezidan Palestinyen yo di ke lame Izrayelyen wete solda li nan pi gwo lopital nan Gaza a apre yo te mennen yon gwo operasyon pandan 2 semèn ki pase yo, e yo kite dèyè anpil destriksyon.

Plizyè santèn moun te retounen nan Lopital Shifa ak vwazinaj li apre twoup izraelyen yo te fin rale kò yo byen bonè Lendi, kote yo te jwenn kadav andedan ak deyò etablisman an.

Lame a dekri desant dèlye a kòm youn nan operasyon ki gen plis siksè nan lagè Gaza a ki gen prèske 6 mwa. Li di ke li touye yon bon valè militan Hamas ak lòt, epi tou ke li sezi enfòmasyon ki gen anpil valè.

Chèf Òganizasyon Mondyal Lasante a di dimanch swa ke 21 pasyan mouri nan atak la e ke plis pase 100 lòt te nan kondisyon difisil.

See all News Updates of the Day

Larisi Mande Izrayel ak Iran Evite Aksyon ki ka Pwopaje Konfli a Pi Plis nan Mwayèn Oryan an

Larisi Mande Izrayel ak Iran Evite Aksyon ki ka Pwopaje Konfli a Pi Plis nan Mwayèn Oryan an
please wait

No media source currently available

0:00 0:02:44 0:00

Larisi mande Izrayèl ak Iran pou yo evite aksyon ki ka pwopaje pi plis konfli nan Mwayèn Oryan an. Jean Robert Philippe gen detay.

Izrayèl Lanse Frap Sou Tèritwa Gaza

FILE PHOTO: Palestinians fleeing north Gaza after Israeli troops raided Al Shifa hospital, move southward, in the central Gaza Strip
FILE PHOTO: Palestinians fleeing north Gaza after Israeli troops raided Al Shifa hospital, move southward, in the central Gaza Strip

Lame Izrayèl la fè konnen jodia fòs li yo lanse frap sou tout teritwa Gaza a ki vize konbatan Hamas ak enfrastrikti, e lanse atak ki touye 2 militan Hezbollah nan sid Liban.

Ajans France-Presse site pawol Hezbollah tou ki di ke 2 konbatan li tonbe nan yon frap Izrayèl nan Kfar Kila.

Izrayèl di 14 solda li blese ayè mèkredi a nan yon atak Hezbollah sou pati nò Izrayèl.

Yon lòt kote, Konsèy Sekirite l-ONU an ap pare pou vote sou yon rezolisyon pou fè Pouvwa Palestinyen an tounen manm total-kapital l-ONU.

Si Konsèy Sekirite a rekòmande manm yo vote pou aplikasyon Pouvwa Palestinyen an, Asanble Jeneral l-ONU an ka apwouve li ak yon majorite 2 tyè.

Men pèsonn pa konnen sa ki pwal pase kandidati a nan Konsèy Sekirite a, kòm Etazini gen dwa veto nan Konsèy la.

Etazini Ak Alye li Yo Ap Travay Sou Sanksyon Kont Iran

FILE PHOTO: G7 summit in Hiroshima
FILE PHOTO: G7 summit in Hiroshima

Etazini di l ap travay ak alye li yo sou yon repons kowòdone pou atak ak dronn e ak misil ke Iran te lanse sou teritwa Izrayèl pandan wikenn nan. An menm tan, li kontinye ekzòte Izrael pou li mete dlo nan diven li e evite limen yon konfli pi laj.

Prezidan Joe Biden ap « kòdone ak alye e ak patnè li yo, pami yo Gwoup G7 la, e ak lidè tou 2 pati yo nan Kongrè a, sou yon repons global, » se sa konseye sou sekirite nasyonal Jake Sullivan di nan yon deklarasyon.

Etazini pwal enpoze nouvo sanksyon ki vize Iran nan jou ki ap vini yo, pou repete Sullivan, antwòt pwogram misil ak dronn li a ak tout gwoup ki sipòte Kò Gad Revolisyonè Iran an ak Ministè Defans Iran.

Li di tou Etazini pwal akselere pwogram sistèm defans aeryen li pou bare misil ak dronn.

Responsab nan alantou Biden mande plizyè fwa pou kalme tansyon an. Prezidan an « pa vle wè yon gè ak Iran, pa vle wè konfli a laji, » se sa pòtpawol Mezon Blanch pou sekirite nasyonal John Kirby di jounalis ayè madi a.

--

Izrayèl di lap Reflechi sou Repons li Pral Bay Iran pou Dig Dal Misil ak Dron li Lanse Kont li

Izrayèl di lap Reflechi sou Repons li Pral Bay Iran pou Dig Dal Misil ak Dron li Lanse Kont li
please wait

No media source currently available

0:00 0:01:41 0:00

Izrayèl anonse li pral reponn atak Iran lanse kont li a kote li lapide l ak misil epi dron. Sandra Lemaire gen detay.

Iran di Nenpòt Aksyon Izrayèl Ta Fè Kont Enterè li yo, Yap Reponn Yo "Dan Pou Dan"

Iran Mideast Tensions
Iran Mideast Tensions

Minis Zafè Etranje Iranyen an Hossein Amirabdollahian te di lendi 15 avril la, nenpòt atak vanjans Izrayelyen yo ta fè kont Iran ta pral rankontre ak yon repons "imedya e grav", deklarasyon sa yo fèt yon jou apre Teheran te lanse plizyè santèn dron ak misil kont Izrayèl.

Atak Iran an - te lanse kòm vanjans pou yon atak aeryen yo di Izraelyen yo te fè sou anbasad li a nan Damas nan dat 1ye avril - sa ki te mete laperèz pou lagè ant Izrayèl ak Iran pa kòmanse.

Yon ti fi 7-zan te viktim nan atak sila.

Men Sistèm Defans Iron Dome Izrayèl la te elimine pifò atak yo ak èd Etazini, Grann Bretay, ak Lafrans .

Lendi, Chèf Etaf militè Izrayèl la, Herzi Halevi, te di ke peyi a pral reponn a atak la, men li pa bay okenn detay.

Adjwen Minis Zafè Etranje Iran an, Ali Bagheri Kani, te di nan televizyon leta lendi swa ke repons Teheran an apre nenpòt vanjans Izrayelyen ta rive an segonn, pa èdtan.

Load more

XS
SM
MD
LG