Palman eta Alabama kote Repibliken an majorite pase yon pwojè-lwa ayè jedi a ki vize pwoteje endistri ki rele ann angle IVF, ki travay pou moute fetus nan laboratwa, apre Lakou Siprèm eta a te deside ke yo ta dwe konsidere kòm timoun anbriyon ki nan freezer laboratwa, sa ki te pouse pou pi piti 3 laboratwa nan Alabama kanpe operasyon fètilite yo.
Pwojè-lwa a pase nan Sena a ak 34 vwa kont 0, ak yon manm ki pa vote, apre li te fin pase nan Sena a ak yon vòt 96 kont 6.
Gouvènè Kay Ivey, yon Repibliken, fè wè ke li pwal sipòte pwojè-lwa a. Si Ivey siyen li, pwojè-lwa a ap pwoteje laboratwa ki ap fè IVF yo kont akizasyon kriminèl ak pwosè sivil. Li pa klè ki lè dokiman an ap rive sou biwo Gouvènè Ivey.