Prezidan Etazini Joe Biden di li ap pase Depatman Komès lòd pou dirije ankèt la epi detèmine ki aksyon ki ka nesesè pou asire ke oto ki ap woule sou wout Etazini yo pa minen sekirite nasyonal peyi a.
“Pifò oto yo konekte – yo tankou se telefòn entelijan ki sou wou,” se sa Biden di nan yon deklarasyon. “Oto sa yo konekte ak telefòn nou, ak sistèm navigasyon, ak enfrastrikti enpòtan, e ak konpayi ki fè oto sa yo. Machin ke LaChin konekte ka ranmase enfòmasyon sansib sou sitwayen nou yo ak enfrastrikti nou e voye enfòmasyon sa yo tounen bay Repiblik Popilè LaChin.”
