Accessibility links

Learning English
Languages
Live
site logo site logo
Anvan Swivan
Breaking News
Jistis

Tribinal Iranyen Kondane Etazini pou l Peye $49 Milya Konpansasyon pou Asasinay yon Jeneral Wo Plase

  • Serge Michel
FILE - Members of the mainly Shi'ite Hashid Shaabi militia hold a portrait of Quds Force Commander Qassem Suleimani during a demonstration to show support for Yemen's Shi'ite Houthis and in protest of an air campaign in Yemen by a Saudi-led coalition, in
FILE - Members of the mainly Shi'ite Hashid Shaabi militia hold a portrait of Quds Force Commander Qassem Suleimani during a demonstration to show support for Yemen's Shi'ite Houthis and in protest of an air campaign in Yemen by a Saudi-led coalition, in

Yon tribinal nan Teheran kondane gouvènman ameriken an pou li peye 49 milya 700 milyon dola pou konpansasyon apre yon pwosè ke 3-mil-300 Iranyen te lanse Tribinal la òdone gouvènman ameriken an peye preske 50 milya dola dedomajman pou asasinay yon jeneral wo-plase iranyen, sa gen preske 4 lane.

Se sa ajans nouvèl Mizan ki se ògàn lajistis nan Iran sou Entènèt la anonse mèkredi.

Prezidan Etazini nan epòk la Donald Trump te òdone yon frap dronn toupre ayewopò entènasyonal Bagdad la ki te touye Jeneral Qassem Suleimani ki te gen 62 lane, ansanm ak yon ofisye irakyen ki te nan ekip li, Abu Mahdi al-Muhandis, 3 Janvye 2020.

Kèk jou ann apre, Iran te reponn kif-kif nan tire misil sou kèk baz nan Irak ki te loje Ameriken ak lòt twoup koalisyon. Okenn solda ameriken pa te mouri, men Washington di dè douzèn nan yo te resevwa blesi nan sèvo yo.

Tribinal la jwenn 42 lòt moun koupab, pami yo Trump, gouvènman ameriken an, ansyen Sekretè Deta Mike Pompeo, ak ansyen Sekretè Defans Mike Espy, dapre ajans nouvèl Mizan.

Related

Back to top
XS
SM
MD
LG