Accessibility links

Breaking News

Mwayen Oryan

Sekretè Defans Ameriken Austin di Netanyahu "Nap Apiye w" Apre Atak Hamas la

Sekrete Defans Etazini Lloyd Austin (a dwat) ak Minis Defans Izraelyen an Yoav Gallant nan Tel Aviv, 13 Oktob, 2023.
Sekrete Defans Etazini Lloyd Austin (a dwat) ak Minis Defans Izraelyen an Yoav Gallant nan Tel Aviv, 13 Oktob, 2023.

Sekretè Defans Etazuni Lloyd Austin di lidè Izraelyen yo pandan vizit li nan peyi a yo gen sipò li, premye semèn lagè a kont gwoup militan Hamas la.

Austin pa kritike Vandredi, apèl Izrael lanse e ki fè tout moun sezi, pou mande yon milyon sivil evakye rejyon nò Gaza anvan sa anpil moun krenn pral yon ofansiv terès.

Austin te rankontre Premye Minis Izraelyen Benjamin Netanyahu ak minis defans li epi Kabinè Lagè a.

Vwayaj Austin nan vini yon jou apre Sekretè Deta Antony Blinken te rive nan rejyon an pou eseye evite pou konfli a pa pwopaje nan rejyon an.

Prezidan Joe Biden di pwogram "60 Minutes" chèn televizyon CBS la ke li pral pale Vandredi ak fanmi otaj Ameriken Hamas kenbe yo.

See all News Updates of the Day

Prezidan Iranyen an Ayatollah Ebrahim Raisi mouri nan yon aksidan elikoptè

IRAN-SECURITY/PRESIDENT
IRAN-SECURITY/PRESIDENT

Peyi Iran fè konnen jiska bonè jodi lendi a , yo te kontinye ap cheche yon elikoptè ki tonbe nan pati nòdwès peyi a avèk abò l prezidan peyi a, Ebrahim Raïssi ki gen 63 zan, ak plizyè lòt gwo responsab gouvènmantal.

Sekouris ki reyisi jwenn aparèy la ki al kraze nan flan yon montay, presize pa genyen okenn siy ki ta montre gen moun ki vivan toujou nan elikoptè a.

Medya leta yo di elikoptè a al kraze dimanch 19 me 2024 akoz move tan toupre rejyon Varzaqan nan pwovens Azerbaydjan oryantal . Medya yo kontinye pou di, yo deja pran kadav prezidan Raïssi, ak minis afè etranjè a, Hossein Amirabdollahian, ak 2 lot lòt responsab iranyen ki te fenk sot patisipe nan yon evenman pa lòtbò fwontyè Azerbaydjan ansanm prezidan Azerbaydjan an Ilham Aliyev.

Dapre medya iranyen yo, aparèy ki kraze a te twouve l pami 3 elikoptè ki t ap transpòte responsab iranyen yo pandan yo t ap retounen apre yo te fin inogire santral idwo-elektrik Khoda Afarin ak Giz Galasi a nan rivyè Aras ki make fwontyè ant Iran ak Azerbaïdjan.

Prezidan Aliyev fè soti yon deklarasyon sou platfòm X la , ansyen Twitter, kote li di « Li twouble anpil devan aksidan elikoptè prezidan Raïssi a e li ofri priyè ak asistans bay Iran ki se yon « peyi ami e frè ».

Wout Pwovizwa pou Èd Antre Gaza

Wout Pwovizwa pou Èd Antre Gaza
please wait

No media source currently available

0:00 0:01:06 0:00

Kamyon ki pote èd ke moun nan Gaza bezwen anpil woule pou travèse yon waf flotan ke Etazini fèk bati, pou premye fwa jodi vandredi a, e konsa yo rantre nan Gaza ki anba syèj, pandan restriksyon Izrael sou pasaj fwontyè yo ansanm ak gwo batay fè li difisil pou manje ak lòt èd antre sou teritwa a.

Livrezon Asistans Imanitè nan Gaza

Cyprus Israel Plestinians
Cyprus Israel Plestinians

Kamyon ki pote èd ke moun nan Gaza bezwen anpil woule pou travèse yon waf flotan ke Etazini fèk bati, pou premye fwa jodi vandredi a, e konsa yo rantre nan Gaza ki anba syèj, pandan restriksyon Izrael sou pasaj fwontyè yo ansanm ak gwo batay fè li difisil pou manje ak lòt èd antre sou teritwa a.

Chajman an se premye ki antre nan yon operasyon ke dirijan lame Etazini yo te prevwa ta ka pèmèt jiska 150 kamyon pa jou rantre nan Gaza, pandan Izrayèl ap mete presyon pou li rantre nan vil Rafah nan sid Gaza, nan kad ofansiv li a ki la depi 7 mwa.

Men Etazini ak gwoup ki ap bay èd yo avèti tou ke pwojè waf la paka ranplase livrezon èd sou wout atè, kote yo ta ka pote tout manje, dlo ak gaz ke moun nan Gaza bezwen. Anvan gè a, se plis pase 500 kamyon pa jou ki te konn pote machandiz antre nan Gaza.

Gran Tit Nouvèl Entènasyonal pou 17 Me, 2024

Gran Tit Nouvèl Entènasyonal pou 17 Me, 2024
please wait

No media source currently available

0:00 0:01:00 0:00

VOA 60: Sè Lidè Kore di Nò a Kim Demanti ke Peyi l Founi Larisi Zam

Etazini : Chanm Depite a Vote pou Mande Livrezon Bonm pou Izrayèl

Congress Israel
Congress Israel

WASHINGTON (AP) — Chanm Depite a ke Repibliken yo kontwole fè yon vòt ki ale kont desizyon Prezidan Joe Biden pou li te fè yon kanpo nan livrezon bonm bay Izrayèl, ki ka sèvi nan yon ofansiv sou Rafah.

Jedi 16 Me a Chanm nan vote sou yon pwojè lwa ki sanse pa gen okenn chans pou yo aplike li, men ki mete presyon sou Demokrat yo paske li mande livrezon zam yo.

Administrasyon Biden nan ap chèche dekouraje Izrayèl pou pa fè ofansif li sou vil Rafah yon vil ki gen anpil sivil.

Mwa sa a, administrasyon Biden nan te kenbe yon chajman zam ki gen ladann 3,500 bonm.

Repibliken yo te move dènye degre pou sa, e deklare sa montre ke Etazini abandone youn nan alye ki pi pwòch li nan Mwayen Oryan an.

Load more

XS
SM
MD
LG