Ted Kaczynski, neg Ameriken konnen kòm Unabomber la ki te mennen yon kanpay pandan 17 an kote li te mennen atak ak bonm ki te touye 3 moun epi blese 23 lòt, mouri pa suisid.
Gen 4 moun ki familye ak ka a ki konfime nouvèl la pou Associated Press malgre yo pat otorize pale sou koze a piblikman.
Kaczynski, 81 an, te endispoze le yo te jwenn ni nan prizon ki nan Sant Medikal Federal Butner, Karolin di Nò ve minui edmi nan maten Samdi.
Sekouris yo eseye re-bay misye vi anvan yo te transpòte li lopital.
Yon dokte te konfime li mouri pi ta Samdi maten.
Kaczynski te gen kansè.
Li te viv poukont li nan zon riral eta Montana, kote li te lanse atak ak bonm li yo ki te lakoz Ameriken te chanje fason yo ekspedye koli pa lapòs epi monte nan avyon.
