Premye chèf leta brezilyen ki te pase nan eleksyon ak vòt inivèsèl dirèk apre diktati militè a, misye Collor ki gen 73 an, gen akizasyon sou li ke li te resevwa 20 milyon reais (apeprè 3,9 milyon ewo) anba tab soti 2010 pou rive 2014, lè li te senatè.
Daprè sa ankèt yo revele gen anviwon 40 peman ki te fèt pou fasilite anba-chal kèk kontra ant yon konpayi konstriksyon ak yon filiale konpayi petwòl piblik Petrobras.
Jedi, wit nan dis jij Kou Siprèm Brezil la deside pou kondane ansyen presidan an. Jij rapòtè pou dosye a, Edson Fachin, deside ke ansyen prezidan an te itilize "enfliyans politik li pou fasilite siyati kèk kontra”.
Avoka defans li demanti tout akizasyon yo.
Ankèt la te louvri nan kad eskandal "Lavage-express" ki te souke tout sektè politik brezilyen an depi 2014.
