Yon blakawout nan ayeropò entenasyonal Kennedy a nan Nouyòk dire yon dezyem jou.
Blakawout la lakoz pasaje bloke epi otorite yo oblije anile vòl oubyen voye avyon yo nan lòt ayewopò.
Operate ayeropò a di sou Twitter Jedi swa ke Terminal 1 pral rete femen Vandredi akoz pwoblem elektrisite.
Operate ayewopò a di se yon panel elektrik ki mal fonksyone epi pran dife ki lakoz kouran an koupe.
Yon avyon Air New Zealand te fini 2 tye vwayaj li pou travese Oseyan Pasifik la le li aprann nouvel la epi oblije kase tet tounen Auckland. Vòl la ateri nan La Nouvel Zeland sen e sof 16 he apre li te dekole.
Poko gen okenn nouvo enfòmasyon sou blakawout la nan Nouyòk.
Ayeropò JFK (Kennedy) gen 5 terminal ki aktif.
