Accessibility links

Breaking News

Jamayik Mande FBI Ede'l Mennen Ankèt sou yon Konplo Fwod ki Vize Kourè Bolt


Foto Achiv: Koure retrete Jamayiken Usain Bolt pale pandan yon entevyou nan vil Tokyo, Japon, Jedi 1 Desanm, 2022.

Gouvènman Jamayik la mande FBI ede'l envestige yon gwo ka ki gen rapò ak fwod e ki gen pou wè ak yon konpayi envestisman prive. Nan ka sa a gen $12,7 milyon ke kourè olenpik renome Usain Bolt te envesti ki disparèt.

Avoka vedèt la di kont li gen sèlman $12,000 ladann. Yo bay konpayi envestisman an jiska Vandredi pou remèt lajan an si li vle evite yo trennen li devan tribinal.

Fwod la afekte tou kèk kliyan granmoun ak ajans gouvènman an paske yo te remèt bay moun sa yo fo montan pou kont yo. Kidonk, otorite yo pa konnen konbyen lajan egzakteman yo vòlè.

Minis Finans Nigel Clarke deklare Lendi, ankèt sou konpayi Stocks and Securities Limited, ki gen katye jeneral li nan vil Kingston, fèk komanse.

XS
SM
MD
LG