Accessibility links

Breaking News

Lamezonblanch: Doktè Wetire 2 Lezyon Kansere pou Jill Biden


Premye Dam Jill Biden mache nan lakou Lamezonblanch la, Mekredi 11 Janvye 2023.

Lamezonblanch fè konnen chirijyen wetire 2 lezyon kansere premyè dam Jill Biden te genyen sou je dwat li ak pwatrin nan, e ke yap egzaminen yon twazyèm yo jwen sou po je gòch li.

Doktè prezidansyèl Kevin O'Connor di egzamen medikal konfime ke lezyon yo jwen sou je dwat ak pwatrin madan Biden yo se yon kansè.

Lezyon sa yo se tip kansè nan po ki pi fasil pou trete. Se yon kansè ki pouse lantman e dabitid li afekte sifas po a sèlman. Se raman sèlman tip kansè sa a koze konplikasyon grav oubyen enase lavi yon moun.

Doktè O'Donnor di premyè dam nan an "bon eta d espri e li santi l anfom" sepandan kek pati figi li anfle e li gen mak ble.

Madan Biden te tounen nan Lamezonblanch Mèkredi swa.

XS
SM
MD
LG