Mwayen Oryan
Iran Admèt pou Premye Fwa li Voye Dron bay Larisi
Minis afè etranje Iranyen an admèt pou premye fwa peyi li voye dron bay Larisi. Men misye ensiste pou di transfè a fèt anvan Moskou te fè lagè ak Ikrèn.
Komantè sa yo Samdi, ki soti nan bouch Hossein Amirabdolliahian, vini plizyè mwa apre mesaj depaman ki soti Iran pa rapò ak yon kagezon zam. Pandansetan Larisi sèvi ak dron pou frape enfrastrikti enèji Ikrèn nan epitou sib sivil.
Anvan sa, responsab Irenyen yo te demanti yo te founi Larisi zam pou sèvi nan lagè kont Ikrèn nan. Kanmenm, Gad paramilitè Revolisyonè Iran an te vante l dèske li te founi gran pwisans mondyal yo dron.
Amirabdollahian di jounalis yo: "Nou bay Larisi yon kantite limite dron anvan lagè Ikrèn nan." Misye di Iran pran angajman pou stope konfli a.
See all News Updates of the Day
Konsèy Sekirite LONU Ranvaye Vot sou Seselfe Gaza a
Konsèy Sekirite Nasyonzini pa vote rezolisyon yon seselfe nan teritwa Gaza a malgre apèl Sekretè Jeneral Nasyonzini an Antonio Guterres lanse pou evite yon katastròf Valerio Saint Louis
- Jean Robert Phillipe
Izrayèl Kontinye ap Atake Militan Hamas yo
Izrayèl kontinye ap atake militan Hamas yo malgre apèl k ap lanse pou mande yon seselfe ak pwoteksyon sivil yo
Atak Wòkèt Vize Anbasad Ameriken nan Bagdad
Otorite Ameriken ak Irakyen yo di te gen yon atak ak wòkèt sou Anbasad Etazini an nan Bagdad, sa ki te lakòz kèk ti domaj men li pat koze okenn viktim.
Atak Wòkèt Vize Anbasad Ameriken nan Bagdad
BAGDAD (AP) — Otorite Ameriken ak Irakyen yo di te gen yon atak ak wòkèt sou Anbasad Etazini an nan Bagdad, sa ki te lakòz kèk ti domaj men li pat koze okenn viktim.
Milis Iranyen kap mennen operasyon nan Irak di se yo ki responsab plizyè douzèn atak ki vize baz twoup Ameriken yo nan Irak ak la Siri depi lagè Izrayèl-Hamas la te kòmanse a.
Anbasad la trouve li nan kapital Irakyèn nan.
Yon ofisyèl sekirite irakyen di milis yo te lanse 14 fize Katyusha vandredi, e kèk ladan yo te frape toupre youn nan pòtay Anbasad Ameriken an.
Yon ofisyèl militè ameriken di ke wòkèt te frape tou baz Union III a ki gen biwo kowalisyon Etazini an Irak ladann.
- Serge Michel
Gwo Batay Fewòs nan Gaza
Gwo batay fè raj Jedi nan pi gran vil yo nan Gaza, ant fòs izrayelyen ak militan Hamas, kote sivil palestinyen te chache ti rès abri ki rete pou yo chape anba lagè a.
Batay te dewoule nan vil Gaza, nan nò a, kote Izrayèl te santre premye etap operasyon-li pou elimine Hamas, epi nan Khan Younis nan sid Gaza, ki se dènye kote gè a rive.
Tout tan batay ap dewoule, se plis sivil yo ap pran wout sid pou yo, e vyolans la deranje operasyon imanitè l-ONU e pouse dirijan òganizasyon mondyal la yo lanse avètisman repete pou fè konnen sityasyon an ap vin pi grav.
Nasyon Zini di dè dizèn milye moun sot rive nan jou ki pase yo nan Rafah, yon vil ki toupre fwontyè sid Gaza. Zonn Rafah a se sèl seksyon nan Gaza ki te resevwa distribisyon limite èd imanitè semenn sa a akoz vyolans la ki pran pati nò a, dapre l-ONU.