Amnesty International mande Nasyon Zini ayè jedi-a pou-l pran aksyon djanm konsènan Iran, apre otorite-yo fin touye pou pi piti 8 manifestan ak moun ki t-ap kriye pou moun pa-yo ki tonbe mèkredi ak jedi nan 4 pwovens pou pi piti.
Manifestasyon te tanmen pa lontan nan Iran apre lanmò Mahsa Amini anba men lapolis apre li te fin jwenn arestasyon-l poutèt li pat ranje vwal ki kouvri tèt-li-a, hijab-la, kòmsadwa.