Accessibility links

Breaking News

Fondasyon Bill ak Melinda Gates Fè Kado $1,2 Milya pou Konbat Polio


Foto Achiv: Bill ak Melinda Gates nan vil Brusel nan la Beljik, 22 Janv. 2015.

Fondasyon Bill ak Melinda Gates la anonse Dimanch 16 Oktòb ke lap fè kado $1,2 milya pou apiye jefò kap fèt pou mete fen nan maladi polio toupatou nan mond lan.

Polio se yon maladi kontajez ki pwopaje pou pi fwo atrave kontaminasyon matyè fekal. Li touye e paralize de milye timoun chak ane. Malgre pa gen gerizon pou li, 3 piki yon vaksen kont polyo kapab pwoteje yon moun a 100 % kont posibilite pou'l trape maladi a.

Gouvenman ak fondasyon yo vize mete fen nan polio nan Pakistan ak Afghanistan, dènye 2 peyi kote viris la kontinye sikile.

Mark Suzman, Direkte Fondasyon Bill ak Melinda Gates la ke Microsoft Corporation jere, deklare: "Denye etap eradikasyon yo pi difisil pase tout lòt etap yo. Men fondasyon nou rete angaje vizavi yon avni kote pa gen polio ditou nan mond lan e nou gen espwa nap reyalize objektif sa a anvan lontan."

Mwa pase a, Oganizasyon Lasante Panameriken an PAHO te di Brezil, Repiblik Dominikèn, Ayiti ak Pewou ap fè fas ak gwo risk pou polio reparèt lakay yo.

XS
SM
MD
LG