Accessibility links

Breaking News

Mwayen Oryan

Katar: Sheikh Tamim Bin Hamad Al Thani Remèsye Putin pou Sipò Nan Preparasyon Mondyal la

Qatar Emir Sheikh Tamim bin Hamad al-Thani, FIFA President Gianni Infantino and Russian President Vladimir Putin attend a handover ceremony for the 2022 World Cup at the Kremlin in Moscow, Russia July 15, 2018. Yuri Kadobnov/Pool via REUTERS

Emir Katar la te remèsye Vladimir Putin pou mo d ankourajman li bali ak sipò Larisi nan òganizasyon koup di mond 2022 a.

Sheikh Tamim bin Hamad Al Thani te fè lwanj tou pou fason Larisi te òganize tounwa foutbòl la an 2018 ke li dekri tankou yon "gwo siksè."

Li di Larisi te bay "gwo sipòl" nan ede òganize tounwa a.

Putin swete Katar gwo siksè nan Koup di Mond nan ane sa a.

Larisi p ap jwe nan Mondyal Katar la apre FIFA te mete l deyò nan faz eliminatwa kalifikasyon yo apre Larisi te envayi vwazen li Ikrèn.

See all News Updates of the Day

Twoup Ameriken ap Veye Espas Ayeryen Mwayèn Oryan an depi yon Baz nan Qatar Pandan Mondyal Foutbòl la

Nan foto sa a ke Aviyasyon Lezetazini pataje ak lapres, twoup ameriken yo patisipe nan yon emisyon an direk chen televizyon Ameriken Fox NFL Dimanch kote yo tap rann omaj ak veteran lage Etazini yo, 13 Nov. 2022, depi baz Aviyasyon Al-Udeid la nan Qatar.

Apepre 8,000 sòlda Ameriken ap veye espas ayeryen Mwayèn Oryan an depi yon gwo baz aviyasyon ki sou kontwòl Qatar pandan Mondyal Foutbòl la ap dewoule.

Baz aviyasyon Al-Udeid la sitye nan dezè a apepre 30 kilomèt o sidwès Doha, kapital Qatar.

Yo te konsidere baz sa a tèlman sekrè ke ofisye militè Ameriken yo te konn refere a li kòm "yon kote nan sidwès Azi."

Kounyea koken chen baz sa a reprezante yon bijou estratejik pou Qatar.

Li mete aksan sou kolaborasyon sere-sere ki egziste ant Etazini ak emira a ki sitye nan Gòlf Arab la.

Washington konsidere Doha tankou yon alye enpòtan ki pa manm LOTAN.

Blinken Sèmante Etazini pral Kontinye Apiye Israèl Malgre Malèz ki Egziste sou Gouvènman an

Sekrete d Eta Ameriken Antony Blinken pran la pawol nan Konferans Nasyonal J Street la nan Washington, Dimanch 4 Desanm, 2022.

Sekretè d Eta Ameriken Antony Blinken deklare Etazini pap ekate l ak sipò san gade dèyè li pwomèt Israèl malgre gwo diferans ki egziste ant gouvènman Ameriken an ak Premye Minis-eli Benjamin Netanyahu.

Administrasyon Biden gen kè sote vizavi manm gouvènman li an ki se ekstremis zèl dwat.

Blinken deklare Dimanch ke Etazini pral rete yon bon zanmi Israel menm nan moman kote lap pousuiv objektif Netanyahu te opoze. Pami yo gen rezolisyon 2 eta a pou konfli Israelo-Palestinyen an epi restorasyon antant nikleyè ane 2015 ak Iran.

Blinken ajoute administrasyon Biden nan pral diskite ak gouvènman Netanyahu a sou politik, pa pesonalite. Li lanse avètisman pou di tou ke Etazini pral opoze tout politik ki ta chache majinalize Palestinyen yo.

Gwoup Eta Islamik la Anonse Lanmò Lidè li

FILE- A police motorcycle burns during a protest over the death of Mahsa Amini, in Tehran, Iran September 19, 2022.

Gwoup Eta Islamik la, anonse Mèkredi lanmò lidè li a, Irakyen Abu Hassan al-Hashimi al-Qurashi, ki mouri dapre sa yo di ap "goumen ak lènmi Bondye yo".

Nan yon mesaj odyo, pòtpawòl gwoup jihadis la te anonse ke yon nouvo moun - Abu Al-Hussein al-Husseini al-Qurashi ap dirije gwoup la kounyea.

Al-Qurashi fè pati de fanmi pwofèt Muhammad la, setadi li se yon desandan.

Qatar di ant '400 ak 500' Travaye Mouri Pandan Konstriksyon pou Mondyal la

Foto Achiv: Travaye mache nan direksyon stad Lusail la, ki se youn nan stad ki pral sevi pandan Mondyal Foutbol la, 20 Desanm, 2019.

Yon responsab wo plase peyi Qatar ki te patisipe nan preparasyon peyi a pou Mondyal Foutbòl la di gen ant "400 ak 500" travayè ki pedi lavi yo pandan konstriksyon an. Se premye fwa li janm bay yon chif ofisyèl.

Chif sa a bokou pi wo pase sa Doha te di anvan.

Hassan al-Thawadi, sekretè jeneral Komite Siprèm Qatar pou Livrezon ak Eritaj bay chif sa a sanzatann pandan yon entevyou ak jounalis Britanik Piers Morgan.

Nouvo done a menase pou'l bay kritik gwoup dwa moun yo plis jarèt. Yo te plenyen pou di se gras ak migran yo ke Mwayèn Oryan an gen opòtinite patwone premye Mondyal Foutbòl li. Se migran sa yo ki ede konstwi stad ki koute $200 milya dola, sistèm tren epi nouvo enfrastrikti ki te nesesè pou tounwa a.

Iran-Etazini Pral Woule Balon Pandan Gwo Tansyon Politik Egziste Ant 2 Peyi yo

Foto Achiv: Yon fanatik Iran ak yon fanatik Etazini anvan match 2 seleksyon nasyonal yo nan Mondyal Foutbol la 21Jyen 1998.

Denye fwa Etazini te jwe kont Iran sete an 1998, sa gen 24 an desa. Sete youn pami match foutbòl ki te pi chaje ak tansyon politik nan listwa.

Fwa sa a, 2 seleksyon nasyonal yo ap pare pou twoke konn yo nan moman relasyon ant Etazini ak Iran deteryore pi plis.

An Iran, moun pran lari toupatou pou pwoteste kont move tretman fanm yo. Pandansetan lap etann pwogram nikleyè li yo epi lanse atak rejyonal ak entènasyonal. Tout koze sa yo jete yon lombraj sou match foutbòl ki pral jwe nan peyi Qatar jodia a 2 zè.

Load more

XS
SM
MD
LG