Accessibility links

Breaking News

Mwayen Oryan

Responsab Biwo Dwa Moun l-ONU Kondane Koukou-Wouj Vyolan Fòs Sekirite Iran yo Fè nan Manifestasyon yo

Norway Iran

Responsab biwo dwa moun nan l-ONU kondane koukou-wouj vyolan fòs sekirite Iran yo dèyè manifestan ki move kou kong akoz lanmò yon jèn dam ke otorite yo te akize kòmkwa li pa te konfòme li ak regleman estrik sou jan medam dwe abiye nan Iran.

Manifestasyon te pete nan 15 pwovens peyi a apre lanmò Mahsa Amini anba men lapolis. Se nan dat 13 Septanm sa ki rele lapolis moralite te arete l poutèt li pa ta ranje vwal li sou tèt li kòmsadwa.

Biwo l-ONU pou Dwa Moun fè konnen li difisil pou jwenn chif ekzat sou kantite manifestan ke fòs sekirite yo nan Iran ta touye, blese oubyen arete. Se akoz restriksyon sou telekominikasyon. Laprès leta mete kantite moun ki tonbe yo nan 41.

Sepandan, dapre pòtpawòl l-ONU Ravina Shamdasani, òganizasyon non-gouvènmantal (ONG) k ap swiv sityasyon an rapòte plis moun ki pèdi lavi yo. Li di ke yon sous ke li ka fè konfyans rapòte 76 ka lanmò, pami yo fanm ak timoun.

See all News Updates of the Day

Iran Arete yon Jwè Seleksyon Nasyonal li ki Kritike Gouvènman an

Foto Achiv: Voria Ghafouri, yon ansyen jwe seleksyon nasyonal Iran, goumen pou balon an ak Irakyen Hussein Ali pandan yon match Koup Azi a.

Iran arete yon ansyen jwè seleksyon nasyonal li a apre li kritike gouvènman an.

Se yon medya leta ki anonse arestasyon an Jedi. Li vini nan moman otorite yo ap goumen pou jere manifestasyon nasyonal ki jere yon lombraj sou patisipasyon ekip la nan Mondyal Foutbòl Qatar la, kote li va fè fas ak Peyi de Gal Vandredi.

Yo arete jwè a swatizan akoz li "ensilta seleksyon nasyonal la epi fè pwopagann kont gouvenman an."

Jwè a te eksprime senpati li pou fanmi yon dam ki mouri apre polis moralite Iran an te arete li. Sa te deklanche manifestasyon toupatou.

Jwè a mande tou pou sispann kraze zo manifestan yo nan rejyon wès Iran an, ki aw yon rejyon Kurd. Misye se moun rejyon sa a.

2 Eksplozyon Souke Israel

Lapolis Israel enspekte lye kote te gen yon eksplozyon nan yon are otobis nan Jeruzalem, Mekredi 23 Nov. 2022.

2 eksplozyon fet tou pre yon arè otobus nan Jeruzalem nan hè pwent yo. Yon tinedjè Kanadyen-Israelyen pèdi lavi'l e omwens 18 lot moun blese nan sa lapolis Israelyen dekri tankou yon atak Palestinyen.

Premye eksplozyon an fet Mekredi tou pre yon arè otobus ki konn chaje ak moun. Dezyèm nan sote yon hè edmi apre sa nan Ramot, yon vil ki sitye an no a.

Yo idantifye viktim la tankou yon elèv lise seminè jwif.

Zak vyolans sa yo fèt nan moman tansyon yo ogmante ant Israel ak Palestinyen yo apre desant delye Israel fe nan Sisjodani. Sa koze yon ogmantasyon nan atak bo kote Palestinyen yo pandan semen ki pase yo.

Blinken Kritike Entèdiksyon Brasa FIFA a

Sekrete d Eta Etazini Antony Blinken (mitan a goch) ak Minis Afe Etranje Qatar, Mohammed Bin Abdulrahman Al Thani (mitan a dwat) anvan yon konferans pou lapres nan Klib Diplomatik la nan Doha, Qatar, 22 Nov. 2022.

Diplomat pi wo plase Etazini an kritike Madi desizyon FIFA pran pou menase jwè nan Mondyal la ak kat jon si yo mete brasa ki apiye enklizyon ak divèsite.

Antony Blinken, Sekrete d Eta Etazini te pran la pawol bo kote tokay Kataryen li an pandan yon konferans pou la près.

"Se yon bagay ki bay ke sote le nou we yap mete baboukèt sou libète ekspresyon. Sitou lè nap pale de ekspresyon an favè divèsite ak enklizyon."

Blinken te pran la pawol nan Klib Diplomatik Doha a.

Li ajoute:

"Omwens nan opinyon pa mwen, pèsonn kap patisipe nan yon match foutbol pata dwe chwazi ant apui pou prensip sa yo ak jwe pou seleksyon nasyonal la."

FIFA poko reyaji sou komantè Blinken nan.

Nap raple ke kèk hè'd tan anvan premye jwè ki te gen entansyon mete brasa pou apiye kanpay "One Love" la tapral monte sou teren foutbol la Lendi, oganizasyon mondyal foutbol la te lanse avètisman pou di, tout jwe ki oze mete brasa pandan yap jwe nan match pral resevwa tou suit kat jon. Si yon jwè resevwa 2 kat jon, yo ka ekspilse li nan match lap jwe ak ak pwochen match ekip la.

Okèn jwè pat mete brasa "One Love" la Lendi, malgre gen 7 ekip Ewopeyen ki te gen entansyon fè sa anvan tounwa a te tanmen.

Qatar Entedi Lavant Bye nan Stad yo Pandan Mondyal la

Qatar Entedi Lavant Bye nan Stad yo Pandan Mondyal la
please wait

No media source currently available

0:00 0:01:29 0:00

Qatar entèdi lavant byè alkowolik nan stad yo pandan Mondyal la. Sandra Lemaire esplike desizyon an. Video: AP

Infantino Rale Zòrèy Moun kap Kritike Mondyal la

Prezidan FIFA Gianni Infantino pale pandan yon konferans pou lapres Samdi, 19 Nov. 2022 nan Doha, Qatar.

Prezidan FIFA a (Federasyon Entenasyonal Foutbòl), Gianni Infantino tonbe joure pandan yon hè d tan, lavèy ouvèti Mondyal la. Apre sa li pase 45 minit ap reponn kestyon laprès sou zak gouvènman Qatar la poze ak plizyè lòt sijè ankò.

Ifantino di li santi'l tankou omoseksyèl yo, li santi'l tankou yon fanm, e li santi'l tankou yon travayè migratwa.

Infantino defann apre sa politik imigrasyon peyi Qatar e li chante lwanj gouvènman an pou jefo li fè pou'l pote travay bay migran yo.

Li dekri kom "ipokrisi" kritik Ewop fè sou politik Qatar vizavi travayè migratwa yo. Li ajoute "bayo yon avni. Bayo yon ti espwa."

Load more

XS
SM
MD
LG