Accessibility links

Breaking News

Mwayen Oryan

Gad Revolisyonè Iran Deklanche yon Vag Atak Drone

Iran Protests
Iran Protests

Gad Revolisyonè Iran an ki gen anpil pouvwa deklannche lendi yon vag atak drone ak pyès kanno ki vize sa Iran kalifye kòm baz Kurd separatis iranyen nan nò Irak, dapre sa yon ajans nouvèl semi-ofisyèl rapòte.

Se 2èm ofansiv konsa pa lòt bò fwontyè depi samdi, nan moman kote Iran ap goumen pou kontwole manifestan depi lanmò yon dam Kurd ki te gen 22 lane, ke lapolis moralite nasyon an te arete.

Yon reprezantan youn nan gwoup separatis yo nan Irak ke atak la te vize a – atak ki te frape zòn Sidikan nan rejyon nò Irak ke Kurd ap dirije – fè konnen pa gen moun ki viktim.

« Jodi-a se 3 fwa, Repiblik Islamik Iran-an bonbade flan Mòn Halgurd kote fòs nou yo baze, » se pawòl Atta Nasir, yon manm komite santral Komala, yon pati opozisyon kurd ke Iran te ekzile. Li te pale ak ajans nouvèl Associated Presse etan nan katye jeneral pati a toupre fwontyè Iran-Irak-la.

See all News Updates of the Day

Depi Apwouve Pwojè Lwa Sipò pou Ikrèn Izrayèl Ak Taiwan

Faith in the House Hakeem Jeffries
Faith in the House Hakeem Jeffries

Chanm Depite Etazini pase samdi a yon pwojè-lwa ak sipò 2 pati politik yo, ki vini an 4 moso, ki gen 95 milya dola èd pou Ikrèn, Izrayèl ak Taiwan, sa ki mete pwojè-lwa a sou ray pou li antre ann aplikasyon apre yon wout long, difisil pou travèse Kongrè a.

Pwojè-lwa a gen ladan 61 milya dola pou Kyèv nan lagè li kont envazyon LaRisi a, ansanm ak 26 milya dola pou Izrael ak èd imanitè pou sivil nan zonn konfli, antwòt nan Gaza, ak 8 milya dola pou rejyon Endo-Pasifik la.

Lidè Chanm Depite a Mike Johnson, yon Repibliken ki reprezante eta Lwizyàn, te pouse pwojè-lwa yo pou konbine yo fè yon sèl, apre Chanm nan te fin apwouve yo chak youn apre lòt, konsa pou bare tout opozisyon kont nenpòt nan yo, sa ki te ka deraye tout pwogram nan.

Chef Sèvis Ransèyman Majò Jeneral Aharon Haliva Remèt Demisyon li

Maj. Gen. Aharon Haliva, the Israeli military intelligence chief
Maj. Gen. Aharon Haliva, the Israeli military intelligence chief

Lame Izrayèl la anonse jodi lendi a demisyon chef sèvis ransèyman an kòm repons pou atak Hamas 7 Oktob la sou Izrayèl.

Majò Jeneral Aharon Haliva te deja pran responsablite an piblik pou fay nan sèvis ransèyman an ki te mennen nan atak kote Izrael fè konnen millitan Hamas te touye 1.200 moun e pran apeprè 250 lòt ann otaj.

Lame a pibliye lèt demisyon Haliva jodi lendi a e fè konnen li ap kite pòs la depi gen yon ranplasan pou li.

« Sèvis ransèyman m ap dirije a pa te fè travay nou. M pote jounen sonm sa a depi lè a, lajounen kou lannwit. M pwal pote l pou tout tan, » se sa Haliva di nan lèt la.

Haliva se premye otorite wo-plase ki demisyonnen an rapò ak atak la.

Yon lòt kote, s israelyen touye 14 Palestinyen nan yon atak nan Sisjòdani okipe samdi a, kote yon chofè anbilans pèdi lavi l lè li te fin pran moun ki te blese nan yon atak kolon jwif ki te fèt anvan, dapre otorite palestinyen yo.

Etazini Vote Kont Lide pou Palestin ta Tounen Manm Nasyonzini

Etazini Vote Kont Lide pou Palestin ta Tounen Manm Nasyonzini
please wait

No media source currently available

0:00 0:01:06 0:00

Etazini poze vote kont lide pou Palestin ta tounen yon manm Nasyonzini pandan yon vot ki te dewoule nan Konsey Sekirite a.

Inyon Ewopeyen Sanksyone kat Kolon Izraelyen

Belgium EU Elections Russia
Belgium EU Elections Russia

Inyon Ewopeyen an mete Vandredi sanksyon sou kat kolon Izraelyen ak de gwoup militan Izrayelyen "ekstremist" pou vyolans yo te fè kont Palestinyen nan Sisjòdani ak Jerizalèm.

Konsèy Inyon Ewopeyen an ki reprezante 27 eta manm Inyon an yo, deklare endividi ak gwoup sa yo "responsab pou vyolasyon dwa moun grav kont Palestinyen".

Izrayèl Lanse yon Frap Aeryen Kont Iran

nuclear facility in the Zardanjan area of Isfahan/ Iran
nuclear facility in the Zardanjan area of Isfahan/ Iran

Izrayèl lanse yon frap aeryen andan Iran nan douvanjou jodi vandredi a, nan lè lokal, dapre laprès Etazini ki site kèk sous izraelyen ak ameriken san bay non yo.

Ensidan sa a se dènye nan yon seri frap kif-kif ant 2 advèsè rejyonal yo, men Teheran minimize ensidan an jodi vandredi a e li fè konnen li pa gen entansyon reponn.

Jounal New York Times ak Washington Post site pawòl otorite izraelyen ki di yo lanse yon frap aeryen nan teritwa Iran. Plizyè ògàn nouvèl site pawòl otorite ameriken ki di se yon atak misil.

Yon pòtpawòl lame izraelyen ke LaVwadlamerik te kontakte di li p ap pale sou kesyon an pou kounyea.

Direktè ajans espasyal aeryen Iran an di ke fòs defans aeryen yo desann plizyè dronn.

Load more

XS
SM
MD
LG