Yon ekip ekspè nan Ajans Entènasyonal Enèji Atomik-la ki gen abreje nan angle IAEA, ka vizite estasyon enèji a semèn sa a, dapre konseye minis enèji Ikrèn, Lana Zerkal. Nouvèl yo site pawòl Alatèt IAEA a, Rafael Mariano Grossi, ki di li vle enspekte izin nan nan kèk jou, e li avèti ke ka gen dezas.
Otorite yo pè pou yo pa riske wè yon fuit radioaktif si kèk seksyon nan kokenn enstalasyon nikleyè a pran kout zam. Moskou fè konnen li sipòte travay IAEA a men ke li refize wete sòlda li nan enstalasyon an pou kreye yon zòn kote zam pa gen dwa antre.
Ni LaRisi ni Ikrèn, yo len ap akize fòs lòt la pou kout kanno ki tire sou pi gran izin nikleyè ann Ewòp la.
