Accessibility links

Breaking News

Mwayen Oryan

Atak Ayeryen Ameriken Vize Rejyon La Siri ke Milis Gad Revolisyonè Iranyen Apiye Kontwole

Yon kat La Siri, ak kapital peyi a Damas.

Lame Etazini fè konnen li lanse atak ayeryen nan rejyon ès La Siri kote li vize zòn milis Gad Revolisyonè Iran an apiye konn sèvi pou lanse operasyon.

Kòmandman Santral Lame Amerikèn di atak yo te sible Deir Ez-Zor e ke yo pran aksyon "pwoposyonèl ak delibere pou limite risk pou sityasyon an vinn pi grav epi yon pakèt moun mouri."

Laprès leta Siryen poko fè kòmantè sou atak sa yo.

Iran non plis tou, pa di krik sou sa.

Atak ayeryen sa yo vini apre yon ensidan kote yon dron te atake twoup Ameriken yo 15 Out pase a.

Deir Ez-Zor se yon pwovens estratejik ki sitye sou fwontyè Irak la e li gen chan petwòl.

Twoup Ameriken yo te antre La Siri an 2015, ak apwi fòs alye yo, pou lite kont gwoup Eta Islamik la.

See all News Updates of the Day

Yon Kokenn Goudou-Goudou 7.8 Frape Tiki

Yon Kokenn Goudou-Goudou 7.8 Frape Tiki
please wait

No media source currently available

0:00 0:01:49 0:00

Yon kokenn goudou-goudou 7.8 frape bonè maten an peyi Tiki ak Siri, kote li touye plis pase 2600 moun, e deklannche yon mache-prese pou jwenn moun ki siviv nan mitan debri building ki tonbe.

Ansyen PM Izrayelyen an Di Putin te Pwomèt Li Pap Touye Zelenskyy

Russia Israel

TEL AVIV, Izrayèl (AP) — Ansyen premye minis Izraelyen ki te jwe wòl medyatè nan kòmansman lagè Larisi a nan Ikrèn di ke prezidan ris la te fèl yon pwomès ke li pap touye tokay Ikrenyen li.

Ansyen Premye Minis Naftali Bennett te vin tounen yon entèmedyè nan premye semèn lagè a, li te fè pati youn nan kèk lidè nan Lwès la ki te rankontre Prezidan Vladimir Putin pandan yon vwayaj li te fè nan Moskou.

Efò medyasyon ansyen PM Bennett te fè yo sanble pa fè anyen pou mete fen nan san ki ap koule e ki kontinye ap koule nan Ikrèn jiska jodi a.

Men, remak sa yo ke li fè nan yon entèvyou ki poste sou entènèt samdi, te fè limyè sou diplomasi ki ap fèt dèyè rido, ak efò ijan ke lidè yo te mete sou pye pou eseye mete yon fen nan konfli a byen bonè.

Etazini Mete Nouvo Restriksyon Komèsyal sou 7 Gwoup an Iran

Lapolis anti emet flote drapo Iranyen an pandan yon selebrasyon nan lari apre Iran kale Peyi de Gal nan Mondyal Foutbol Qatar la, 25 Nov. 2022 nan Teheran, kapital Iran.

Etazini mete madi nouvo restriksyon komèsyal sou 7 gwoup nan Iran poutèt yo pwodui drone ke LaRisi anplwaye pou atake Ikrèn, dapre Depatman Komès Etazini.

Etazini ajoute Konpayi yo ak lòt òganizasyon sou yon lis pou kontwòl ekspòtasyon kont konpayi ki angaje nan aktivite ki kont enterè sekirite nasyonal Etazini ak politik afè etranjè li.

Nouvo lis Depatman Komès Etazini an parèt nan yon tèks preliminè sou U.S. Federal Register, ki se jounal ofisyèl gouvènman an, e li ap parèt ofisyèlman nan jounal la jodi mèkredi a.

Iran Enpoze Sanksyon Sou 34 Moun Nan Inyon Ewòp la

Iranian President Ebrahim Raisi meets with the families of security forces killed during Iran's protests, in Tehran

Iran enpoze sanksyon ayè mèkredi a sou 34 moun ak gwoup nan Inyon Ewòp la ak nan Grand Bretay kòm reyaksyon pou mezi menm jan an ke yo pran poutèt repons Teheran pou manifestasyon ki la depi dè mwa a.

Aksyon Teheran an vini 2 jou apre Inyon Ewòp la ak Grand Bretay sot pran yon lòt seri sanksyon kont Repiblik Islamik la ke manifestasyon ap sakaje depi lanmò Mahsa Amini 16 Septanm pase.

Amini, yon Kurd Iranyen 22 zan mouri anba men lapolis apre li te fin jwenn arestasyon l poutèt li ta vyole regleman sou jan fanm dwe abiye nan peyi a.

Pami sanksyon ke Teheran pran yo, li bloke kont an bank ak tranzaksyon ak bank nan Iran e li “entèdi viza ak antre » nan Iran, dapre ministè afè etranjè a.

Iran akize kèk moun ak òganizasyon kòmkwa y ap « sipòte aktivite teworis ak gwoup teworis, ankouraje moun komèt zak teworis ak vyolans kont moun nan Iran. »

Li akize yo kòmkwa y ap antre nan zafè andan Iran e chofe vyolans e gaye fo enfòmasyon sou Iran. »

Palestinyen yo di Twoup Izrayelyen Touye 9 Sitwayen

Israel Palestinians

Otorite Palestinyen yolanse akizasyon pou di fòs Izraelyen yo touye omwen 9 Palestinyen e yo blese plizyè lòt pandan yon atak nan Riv Oksidantal la. Sete youn nan atak ki pi mòtèl ki dewoule sou teritwa a e li te ogmante risk pou gwo tansyon ant Izraelyen yo ak Palestinyen yo rekòmanse.

Kout zam te mare apre militè Izrayelyen yo te mennen yon operasyon pandan jounen an nan kan refijye Jenin ke yo te di te gen entansyon lanse yon atak iminan kont Izrayelyen yo.

Minis Defans Izrayelyen an, Yoav Gallant, te dirije fòs yo nan Riv Oksidantal la ki sou fwontyè Izrayèl ak Gaza.

Load more

XS
SM
MD
LG