Bato-a ki rele Kòmandan Brav kite pò Yuzhne nan Ikrèn, alès Odesa, e li fè plan navige pou rive Djibouti, kote li pwal debake danre-yo e transfere-yo ale Etyopi, e se pwojè l-ONU nan Pwogram Alimantè Mondyal.
Ikrèn ak LaRisi te jwenn yon antant ak Turki e ak Nasyon Zini, sa gen 3 semèn, pou rekoumanse livrezon danre nan rejyon Lanmè Nwa-yo pou mete fen nan gwo deranjman ki
te fèt nan ekspòtasyon sa-yo depi envazyon LaRisi nan Ikrèn nan mwa Fevriye-a.