Kantite Ameriken ki aplike pou benefis chomaj ogmante semen pase a pou rive nan nivo pi wo yo anrejistre depi mwad Novanm nan. Ogmantasyon sa a anrejistre malgre gen yon paket djob ki disponib Ozetazini kounyea.
Aplikasyon pou asistans chomaj ogmante de 14 mil pou'l rive a 262 mil dapre Depatman Travay la. Depatman an fe konnen chif yo ogmante pandan 5 sou 6 semen ki pase yo.
Mwayen demann yo pandan 4 semen ki pase yo limenm te ogmante de 4,500 pou'l rive a 252,000 - se chif pi wo yo anrejistre depi Novanm tou.
Aplikasyon benefis chomaj yo mache ansanm ak revokasyon konpayi yo rapote, e anpil fwa ekonomis yo konn gade done sa yo pou determine kijan sityasyon an ye pou moun kap chache travay.
