Accessibility links

Breaking News

Lò Venezyelyen: Lajistis Britanik Pran Yon Desisyon Kont Prezidan Maduro


Venezuela's President Maduro meets with Alejandro Dominguez, president of CONMEBOL, in Caracas

Jistis britanik la deside wetire kontwòl rezèv ki estoke nan Bank Angletè nan men gouvènman Maduro a.

Yon desizyon ke ekip Maduro a di yo pral fè apèl.

Jij Britanik Sara Cockerill te deside ke "desizyon STJ yo", Tribinal Siprèm Venezyela a "pa ka rekonèt" pa leta Britanik paske Lond konsidere ke se advèsè li a Juan Guaido ki lidè Venezyela.

Jijman Kou Siprèm Venezyela, ki pa rekonèt Misye Guaido kòm prezidan, se te youn nan agiman, ke kan Maduro yo te itilize devan tribinal la.

Pandan plis pase 2 an , Prezidan Nicolas Maduro ak Mesye Guaido te chèche pran kontwòl anviwon 31 tòn lò ki nan bank britanik yo .

Yo evalye rezèv sa nan 1.95 milya dola.

Wayòm Ini a, tankou Etazini ak omwen 50 lòt peyi, pa rekonèt mesye Maduro kòm prezidan depi lè li re-eli nan eleksyon, tout peyi sa yo de deside sipòte Juan Guaido kòm prezidan pwovizwa.

Sarosh Zaiwalla, avoka Kan Prezidan Maduro a "ap konsidere fè apèl" Vandredi.
Ka a dwe kounye a ale nan Tribinal Komèsyal Britanik la.

XS
SM
MD
LG