Accessibility links

Breaking News

Yon ti Eksplozif ki te Abò yon Drone Frape Katye Jeneral LaRisi nan Lanmè Nwa a


A local resident looks at a heavily damaged residential building in Saltivka, a northern district of the second largest Ukrainian city of Kharkiv on July 31, 2022, amid the Russian invasion of Ukraine.

Yon ti eksplozif ki te abò yon drone frape katye jeneral LaRisi nan Lanmè Nwa a sou preskil Krime a ayè dimanch la, kote li blese 6 moun, dapre otorite lokal yo, pandan Ikrèn fè konnen yon atak misil touye youn nan moun ki pi rich li, yon vandè danre.

Pèsonn pa revandike responsablite touswit pou atak ak drone nan nan vil Sevastopol ki gen yon pò enpòtan, sa ki te fòse LaRisi anile seremoni pou make Jou Fèt Lamarin nan. Men atak la ki sanble te piti e fèt san preparasyon, fè panse li ka te travay rebèl ikrenyen nan teritwa a ke LaRisi te sezi an 2014, dapre ajans nouvèl Associated Press.

Drone nan sanble se yon aparèy ke moun te fabrike lakay, e eksplozif la pa te gen gwo fòs, dapre sèvis laprès Flòt Lanmè Nwa a.

Sevastopòl nan distans apeprè 170 kilomèt ak gran tè Ikrèn nan, men li pa klè ki kote drone nan te soti.

Apre atak la, yon konseye Prezidan Ikrèn Volodymyr Zelenskyy pran plezi sou sa li rele feblès defans avyasyon militè ris la.

Yon lòt kote nan Ikrèn, majistra vil Mykolaiv, Vitaly Kim, fè konnen yon atak ris touye youn nan nèg ki pi rich nan Ikrèn, Oleksiy Vadatursky, ak madanm li Raisa.

Vadatursky te dirije yon pwodiksyon danre ak yon biznis ekspòtasyon.

XS
SM
MD
LG