Accessibility links

Breaking News

Peyi Inyon Ewòp yo Antann yo Pou Rasyone Gaz Natirèl nan Sezon Ivè a


The gas storage plant Reckrod is pictured near Eiterfeld, central Germany, Thursday, July 14, 2022. (AP Photo/Michael Probst, File)

Gouvènman-yo nan Inyon Ewòp-la antann yo madi pou yo rasyone gaz natirèl nan sezon ivè sa a pou yo pwoteje tèt yo kont nenpòt rediksyon LaRisi ta fè nan gaz ke Moskou ap founi yo pandan envazyon nan Ikrèn nan ap kontinye.

Minis enèji yo nan Inyon an apwouve yon tèks lwa pou Ewòp la ki vize fè rediksyon 15 pousan nan demann gaz, soti nan mwa Daout pou rive nan mwa Mas.

Pwojè-lwa a vini apre kèk mezi volontè ke nasyon yo nan Inyon an te pran pou redui konsomasyon gaz, e si yo pa fè ase ekonomi, sa ka deklannche aksyon obligatwa nan blòk la ki gen 27 manm.

"Nou oblije, e nou pwal, pataje doulè-a," se sa Minis Endistri nan Tchekoslovaki, Jozef Sikela, di jounalis yo apre li te fin dirije reyinyon an nan Brisèl an Beljik.

Minis enèji yo apwouve pwojè-lwa a yon jou apre sosyete enèji ris Gazprom te fè konnen l ap fè yon rediksyon 20 pousan nan gaz ki ap vini nan manman-tiyo Nord Stream 1 an pou Almay, apati demen mèkredi a. Pri gaz natirèl

moute madi nan nivo ki pi wo depi koumansman mwa Mas, dapre Inyon Ewòp la, e plis pase 5 fwa jan yo te ye, sa gen yon lane.

XS
SM
MD
LG