Accessibility links

Etazini-Ayiti : Washington Dispoze Travay ak Nouvo Gouvènman an


Palè Nasyonal ayisyen an aprè tranblemanntè 12 janvye 2010 la
Yon Kominike ki sòti nan misyon diplomatik Lèzetazini nan peyi d Ayiti fè konnen:

<<Anbasad Lèzetazini nan Pòtoprens felisite gason ak fanm ki jwenn pòs minis nan gouvènman Premye Minis Laurent Lamothe la, e nou prezante souwè siksè nou ba yo.

Nou jwenn ankourajan le fèt ke Palman an ak Prezidans la te travay ansanm rapidman pou yo apwouve deklarasyon politik jeneral gouvènman an. Espri kowoperasyon sa a, kote nou jwenn patisipasyon tout lidè politik yo ak manm sektè biznis la ak sosyete sivil la, se yon bagay ki nesesè pou responsab yo avanse ak gran dosye Ayiti yo –tankou òganizasyon pi vit posib eleksyon senatoryal ak minisipal yo, ak adopsyon dispozisyon ki nesesè pou fasilite kwasans anba lidèchip sektrè prive a. Lèzetazini prevwa li pral kapab kontinye patenarya li avèk nouvo gouvènman an pou bati yon avni Ayisyen yo tèlman bezwen.

Lèzetazini toujou gen angajman pou l apiye pèp ak gouvènman peyi d Ayiti nan yon kowoperasyon a lon tèm dekwa pou bati yon avni pi estab, pi pwospè e pi demokratik.>>
XS
SM
MD
LG