Accessibility links

Breaking News

Pwosesis Lavant Zam ak Taywann pou 108 Milyon Dola Ap Avanse


Supreme Court Guns

Yon lavant zam ameriken pou 108 milyon dola travѐse pi gwo obstak an dat la, men ѐk kritik fѐ konnen zam sa yo pa p sifi pou ede demokrasi sa a nan Azi Oryantal la defann tѐt li kont yon atak Lachin ta lanse.

Depatman Defans ameriken an te apwouve lavant la vandredi pase a; li gen ladan l pyѐs de rechanj pou tank ak machin konba, mete sou angajman pou sipò teknik, daprѐ yon deklarasyon ki sòti nan biwo prezidansyѐl la nan Taywann.

Aprѐ konsantman Pentagòn nan, lavant la prale kounyela a devan Kongѐ ameriken an pou apwobasyon. Si li pase kap sa a, l ap tounen 5ѐm lavant zam ki fѐt sou administrasyon Biden nan epi 4ѐm lavant ke Kongrѐ a apwouve ane sa a.

Ministѐ Defans Lachin nan pa pѐdi tan pou l denonse lavant la. Yon pòtpawòl, Kolonѐl Tan Kefei, deklare lavant sa a reprezante yon entѐferans nan zafѐ prive Lachin epi sa “mete an danje gravman souverѐnte Lachin avѐk enterѐ sekirite peyi a.”

Kѐk obsѐvatѐ nan Taywann fѐ konnen administrasyon Biden nan pa fѐ ase efò, paske tout lavant zam ki fѐt reseman yo konsantre sitou prѐske totalman sou lojistik ak sipò, olye de efò pou ranfòse kapasite Taywann pou l defann tѐt li nan yon konba.
XS
SM
MD
LG