Accessibility links

Breaking News

Josep Borell Di Li Espere Pwal Gen Yon Antant Pou LaRisi Debloke Pò Odesa


EU foreign policy chief Josep Borell speaks after European Union foreign ministers meeting in Brussels, Belgium January 20, 2020 REUTERS/Yves Herman/Pool

Chef politik afè etranjè Inyon Ewòp la Josep Borell di jodia li espere pwal gen yon antant, semèn sa a, pou LaRisi debloke pò Odesa a ak lòt nan Ikrèn, nan moman lavi plizyè dizèn milye moun depann de yon antant konsa pandan gen mank manje nan plizyè peyi.

Borell ki t ap pale ak jounalis nan Brisèl an Beljik, di fòk LaRisi kite ekspòtasyon danre Ikrèn yo pase, osnon kominote entènasyonal la pwal oblije di ke LaRisi ap "sèvi ak manje kòm zam san konsiderasyon pou lavi moun."

"Sa se pa yon jwèt diplomatik. Se yon kesyon lavi ou lanmò pou anpil moun," se Borell ki pale konsa.

Sekretè-Jeneral l-ONU Antonio Guterres te fè konnen semèn pase a gen yon "antant laj" sou yon akò ant LaRisi ak Ikrèn, ak patisipasyon Turki ak Nasyon Zini, pou ekspòte dè milyon tòn danre ki bloke nan silo nan Ikrèn depi envazyon LaRisi 24 Fevriye pase a.

XS
SM
MD
LG