Accessibility links

Breaking News

Mwayen Oryan

Biden Rive nan Arabi Saoudit

U.S. President Joe Biden arrives at King Abdulaziz International Airport, in Jeddah, Saudi Arabia July 15, 2022. REUTERS/Evelyn Hockstein
U.S. President Joe Biden arrives at King Abdulaziz International Airport, in Jeddah, Saudi Arabia July 15, 2022. REUTERS/Evelyn Hockstein

Prezidan ameriken an, Joe Biden, rive vandredi nan Arabi Saoudit, yon monachi ki chaje ak petwol.

Pandan kanpay li pou pòs lamezonblanch lan Biden te sèmante pou li fè yon "paria" sou peyi sa akòz vyolasyon grav dwa moun ki genyen.

Air Force One (avyon prezidansyel la) te ateri nan Jeddah, ki sitiye nan lwès Arabi Saoudit, apre yon vòl dirèk ki te soti Izrayèl. Washington ap chèche nòmalize relasyon ant de patnè ki pi enpòtan li yo nan Mwayen Oryan an.

Air Force One te dekole nan apremidi a nan ayewopò Ben Gurion nan Tel Aviv, pou ateri nan aswè nan Jeddah.

Yon ti tan anvan li te rive nan monachi Gòlf sa a, yo te fè 2 avans: pèp Izrayèl la te di ke li pa t gen "okenn objeksyon" pou transfè 2 zile estratejik yo nan Lanmè Wouj la nan Arabi Saoudit epi yo te anonse tou ouvèti espas aeryen li bay "tout transpòtè", ki gen ladan Izraelyen, yon desizyon dapre Biden ki "istorik".

2 inisyativ sa yo ta ka, dapre analis yo, pave wout la pou yon rapwòchman posib ant Arabi Saoudit ak pèp Izrayèl la.

Premye Minis Izraelyen Yair Lapid te di "Sa a se yon premye etap," "remèsye" Arabi Saoudit pou mezi sa a.

See all News Updates of the Day

Etazini Poze Veto sou Rezolisyon Peyi Arab yo te Prezante Devan Konsey Sekirite LONU pou Mande yon Seselfe Tou Suit nan Gaza

Etazini Poze Veto sou Rezolisyon Peyi Arab yo te Prezante Devan Konsey Sekirite LONU pou Mande yon Seselfe Tou Suit nan Gaza
please wait

No media source currently available

0:00 0:03:46 0:00

Etazini poze veto li sou rezolisyon peyi Arab yo prezante nan konsey sekirite Nasyonzini an pou mande yon seselfe imanite tou suit nan Gaza.

Izrayèl Di Gen Gwo Batay nan Khan Younis la nan Gaza

Israel Palestinians
Israel Palestinians

Lame Izrayèl rapòte jodi madi a gwo batay nan zonn Khan Younis nan Gaza, nan moman Konsèy Sekirite l-ONU an pare pou vote sou yon rezolisyon ke Aljeri te ekri ki mande yon kanpo touswit nan batay yo, ki mande tou plis fasilite pou èd antre e ki rejte deplasman Palestinyen palafòs.

Anbasadè Etazini nan l-ONU Linda Thomas-Greenfield fè konnen Etazini ta sèvi ak dwa veto li pou bloke rezolisyon an ki, dapre anbasadè a, ka jennen efò medyasyon yo.

Anvan vòt sou tèks Aljeri a, Etazini te fè sikile pwòp tèks rezolisyon pa li bay manm konsèy yo.

LaVwadlamerik te wè pwojè rezolisyon an ki ensiste sou liberasyon otaj ki anba men Hamas, e fè wè ke “gen bezwen ijan pou yon bon jan plan” pou pwoteje sivil anba yon ofansiv Izrayèl nan Rafah.

Lidè Afriken yo kondane Atak Izrayèl yo nan Gaza

Ethiopia African Union Summit
Ethiopia African Union Summit

ADDIS ABABA, Etyopi (AP) — Lidè yo nan yon somè Inyon Afriken an nan kapital peyi Etyopi, Addis Abeba, kondane atak Izrayèl la nan Gaza e yo mande yon fen imedyatman nan lagè sa.

Moussa Faki, ki se prezidan Komisyon Inyon Afriken an, di Samdi ke atak Izrayèl la se vyolasyon ki pi klè kont lwa imanitè entènasyonal la.

Azali Assoumani, ki se prezidan zile Komò yo ak an menm tan prezidan Inyon Afriken an, fè lwanj pou Afrik di sid ki te pote plent kont Izrayèl nan Tribinal Entènasyonal la.

Nan somè Inyon Afriken an ane pase, yo te mete deyò san fè eskiz yon delege Izraelyen ki te nan yon ranje chèz kote moun peyi li konn chita kòm obsèvatè nan gran sal reyinyon òganizasyon an.

Minis Afè Etranjè Palestinyen Akize Izrayèl pou Apartheid

World Court Israel Palestinians
World Court Israel Palestinians

Minis afè etranjè palestinyen an akize Izrayèl jodi lendi a pou apartheid pandan li ekzòte prensipal tribinal Nasyon Zini an pou li deklare okipasyon ke Izrael mete depi 57 lane sou tè palestinyen an kòm ilegal e ke li dwe fini imedyatman epi san kondisyon.

Akizasyon an vini nan koumansman seyans depozisyon istorik ki ap fèt pou konnen ki legalite ki genyen nan okipe tè ki ap chache tounen yon eta Palestinyen.

Depozisyon yo te fèt pou santre sou okipasyon ke Izrael mete san konnen pou jis ki lè nan Sisjòdani, Gaza, ak Ès Jerizalem.

Minis Afè Etranjè palestinyen Riyad al-Maliki di li kanpe devan Tribinal Jistis Entènasyonal la “pandan 2 milyon 300 mil Palestinyen nan Gaza, mwatye nan yo timoun, ap viv anba syèj ak bonbadman, ap mouri e ap estwopye, ap soufri grangou e paka rete lakay yo.”

Li kontinye pou di, “Plis pase 3 milyon 500,000 Palestinyen nan Sisjòdani, e ladan Ès Jerizalem, ap viv anba kolonizasyon ki ap fèt sou teritwa yo, e ak vyolans rasis pou kenbe okipasyon an.

Fòs Izrayèl yo Kontinye Ak Atak Yo nan Gaza

(FILES) People inspect the damage in a room following Israeli bombardment at Nasser hospital in Khan Yunis in the southern Gaza Strip on December 17, 2023, amid ongoing battles between Israel and the Palestinian militant group Hamas.
(FILES) People inspect the damage in a room following Israeli bombardment at Nasser hospital in Khan Yunis in the southern Gaza Strip on December 17, 2023, amid ongoing battles between Israel and the Palestinian militant group Hamas.

Fòs Izrayèl yo lanse atak aeryen ak operasyon atè jodi lendi a nan sid Gaza, pandan responsab sante nan Gaza di kantite Palestinyen ki pèdi lavi depi mwa Oktob depase 29,000.

Ministè sante Hamas la di 107 moun tonbe dimanch, e ke kantite total moun ki blese nan operasyon izraelyen yo nan Gaza depase 69,000. Ministè a konte sivil ak militan nan bilan li an men li di anviwon 2-tyè nan victim yo se fanm ak timoun.

Jeneral retrete Benny Gantz, ki se yon minis nan kabinè Premye-minis Netanyahu a, di ayè dimanch la si Hamas pa lage rès otaj ki anba men li yo nan Gaza anvan mwa Sen Ramadan an, “batay la ap mache rive nan zonn Rafah.”

Ramadan gen pou tanmen 10 Mas ki ap vini.

--

Load more

XS
SM
MD
LG