Accessibility links

Breaking News

Ghana : Otorite yo Konfime 2 ka Viris Marburg


Marburg Virus

Otorite nan peyi Gana fè konnen yo konfime, pou premye fwa, 2 ka viris Marburg, ki se fanmi viris Ebola.

Nan yon kominike, yè jedi a, Sèvis Sante Gana a fè konnen yo detekte 2 ka Maladi Viris Marburg la nan rejyon Ashanti - ki nan distans apeprè 250 kilomèt ak kapital la Accra.

Pou aplike fòmalite nòmal yo, otorite nan Gana voye echantiyon san ale nan Enstiti Pasteur nan Senegal, yon sant ki kolabore ak Òganizasyon Mondyal LaSante (OMS), pou konfimasyon, dapre kominike a.

2 pasyan yo ki se moun rejyon Ashanti nan sid peyi a - yo tou le 2 mouri e yo pa fanmi - yo te moutre sentòm tankou dyare, fyèv, kè-tounen ak vomisman, se sa OMS di nan sit entènèt li.

Pou kounyea, gen 34 moun ki an karantèn depi responsab sante te koumanse swiv yo paske yo te gen kontak ak 2 moun ki enfekte yo.

XS
SM
MD
LG