Botswana ap òganize lakay li yon gwo woumble entènasyonal ki vize ranfòse demokrasi ak ankouraje gouvènman yo obeyi konstitisyon yo ann Afrik. Patisipan yo ap mande militè ak lidè afriken yo pou yo respekte limit ki di konbe manda konstitisyon ba yo, apre plizyè kou deta ak efò pou yo pwolonje tan yo nan pouvwa a.
Somè a ki tanmen mèkredi e ki ap dire 3 jou, se Botswana ak Enstiti Demokratik Nasyonal ki gen abreje ann angle NDI ki baze nan Etazini, ki òganize l, e li atire ansyen chef deta ak militan sosyete sivil ki soti anpil kote ann Afrik.
Ansyen prezidan peyi Nijè, Mahamadou Issoufou, ki t ap pale sou videolink, te kite pouvwa a an 2021 apre 2
manda e li te resevwa pri Ibrahim ki mache ak 5 milyon dola pou bon gouvènans.
Prezidan Botswana, Mokgweetsi Masisi, di peyi li, demokrasi ki dire pi plis ann Afrik la, se meyè peyi pou reyinyon an.