Accessibility links

Breaking News

Blinken: 'Etazini Kontinye Apiye ak Tout Fòs li Pouswit Jistis ak Responsabilite' pou Moun ki Asasinen Prezidan Moise


Foto Achiv: Sekrete D'Eta Antony Blinken.

Sekretè d'Eta Ameriken Antony Blinken pibliye yon deklarasyon nan okazyon anivèsè lanmo Prezidan Jovenel Moise, 7 Jiyè a kote li di "Lèzetazini kontinye apiye ak tout fos li, pouswit la jistis ak responsabilite pou moun kite planifye, finanse ak komèt krim terib sa a."

Prezidan Moise te mouri asasinen nan gran maten 7 Fevriye nan rezidans prive li nan Pelerin. Madanm ni, Martine Moise te blese grav e li t'al nan eta Florid pou resevwa swen.

Blinken eksprime kè sote pou ankèt sou asasina a. "Nou kontinye gen kè sote pou pwogrè limite Ayiti fè sou dosye asasina a," Sekretè Blinken deklare. "Otorite Ayisyen yo pa adrese yon fason adekwa apèl jidisyè a lanse pou plis mezi sekirite pou pwoteje anplwaye jidisyè kap travay sou dosye a, ni prezève chèn trasab prèv kle yo." Li ajoute ke malerezman se menm bagay la pou plizyè lot ka - pami yo asasina Monferrier Dorval, Batonye Bawo Potoprens la.

Chèf diplomasi Ameriken an lanse apèl bay gouvènman Ayisyen an pou'l pouse pou pi devan ak ankèt la.

"Nou ankouraje otorite Ayisyen yo pou yo pouse pou pi devan ak yon akèt endepandan e an pwofondè sou asasina Prezidan Moise, ki ann ako ak lwa peyi d'Ayiti ak standar de dwa yo pou asire tout moun ki responsab pou krim sa a parèt devan lajisti," Blinken deklare.

Depatman Jistis Etazini fèmen nan prizon nan Miami e akize ofisyèlman, 3 sispèk an koneksyon ak dosye Moise la. Yo se: ex-solda Kolonbyen Mario Antonio Palacios Palacios, biznisman Ayisyen Rodolphe Jaar epi ex-senatè Ayisyen John Joel Joseph.

"Nou rete yon patnè angaje pa rapò ak objektif sa a, jan nou montre'l ak ekstradisyon endividi ki swadizan te konplote pou komèt krim sa a sou teritwa Ameriken," Blinken deklare.

Sekrete d'Eta a di li espere anvan lontan fe krim yo va vinn akle pou ka gen jistis.

"Le sa a, pep Ayisyen an ap kapab di ak konfyans ke asasina Prezidan Moise la pat pase ak enpinite," Blinken deklare.

XS
SM
MD
LG