Basketbolez Ameriken Brittney Griner lanse apèl bay Prezidan Joe Biden nan yon lèt ke reprezantan li remèt nan Mezon Blanch, kote li di li krenn ke li ka pa janm tounen lakay li ankò e li mande pou prezidan an pa "bliye li menm ak lòt prizonye ameriken yo."
Ajan ki reprezante Griner a fè konnen li remèt lèt la lendi. Jwèz-la ki te pran meday lò nan Je Olenpik 2 fwa, li nan yon jijman nan LaRisi ki tanmen semèn pase-a apre li te jwenn arestasyon-li 17 Fevriye anba akizasyon ke li te posede luwil marijuana nan bagaj li lè li t ap retounen jwe pou ekip ris la. Jijman an ap kontinye jedi sa a.
