Accessibility links

Breaking News

Panèl 6 Janvye a Pral Tande Temwayaj yon Konseye Lamezonblanch ki te Travay pou Trump


Cassidy Hutchinson, yon konseye wo plase Prezidan Donal Trump nan Lamzonblanch ki tap travay ak chef kabine a Mark Meadows, pandan yon entevyou ak komite La Chanm de Reprezantan kap travay sou atak 6 Janvye kont Capitol la, Jedi 23 Jyen 2022.

Komite La Chanm dè Reprezantan Etazini kap mennen ankèt sou revolt Capitol la pral tande temwayaj Cassidy Hutchinson Madi. Li te yon konseye wo plase Donald Trump ki tap travay nan Lamezonblanch. Yo konsidere Madan Hutchinson tankou yon temwen enpotan e esansyèl nan ankèt yap mennen sou atak 6 Janvye 2021 an.

Yon moun ki byen ranseye sou koze a konfime ke li pral parèt devan panèl la. Moun sa a pale sou kondisyon pou yo pa site non li paske potko gen yon anons piblik sou temwen sa a.

Hutchinson, yon asistan espesyal chef kabinè Trump la, Mark Meadows, deja remèt bay komite a yon dig dal enfomasyon - dèyè pot fèmen.

Nan kèk ekstrè brèf temwayaj ki revele nan dokiman tribinal yo, Hutchinson di komite a li te prezan pandan rankont ki te dewoule nan Lamezonblanch kote yo tap diskite sou kijan yo pral defye rezilta eleksyon prezidansyèl 2020 an.

XS
SM
MD
LG