Washington - Nan Jòji ak Alabama, elektè yo te ale nan biwodvòt yo madi 24 me a pou yo chwazi kandida yo pou yon plas nan Kongrè ameriken an ak lòt pòs, nan eleksyon ki reprezante yon teès pou enfliyans ansyen Prezidan Donald Trump genyen sou Pati Repibliken an anvan eleksyon mi-manda ki pral dewoule nan dat 8 novanm pwochen.
Eta Arkansas ak Minnesota, yo menm tou, te gen eleksyon primè tandiske Tekzas te òganize yon 2èm tou pou kous elektoral ki pa t debouche sou yon chwa klè nan primè ki te dewoule premye mas pase a.
Nan Jòji, gouvènè repibliken Brian Kemp ranpòte laviktwa fasilman sou advèsè li, ansyen Senatè David Perdue, ki te gen andòsman Donald Trump. Toujou nan Jòji, Herschel Walker ranpòte primè repibliken an pou l al fè fas an novanm ak advèsè demokrat li, ansyen Senatè Raphael Warnock.
