Accessibility links

Breaking News

López Obrodar Menase Pou L Boykote Somè DèzAmerik La


Los presidentes de México, Andrés Manuel López Obrador, y Cuba, Miguel Díaz Canel, después de firmar acuerdos bilaterales en La Habana, Cuba, el 8 de mayo de 2022. Foto AFP.

Prezidan meksiken an, Andrés Manuel López Obrador, ki t ap pale nan jounen madi 10 me a, menase pou l pa patisipe nan pwochen SomèdezAmerik la ki fikse pou mwa jen 2022 a nan vil Los Angeles (Kalifòni), si Kiba, Venezuela ak Nikaragwa pa envite pou yo patisipe, alòske Washington deja anonse peyi sa yo pa p jwenn envitasyon.

Nan yon pwogram kote lidè meksiken an toujou pale ak laprès chak maten, li deklare :

« Si yo pa envite tout moun, Meksik ap voye yon reprezantasyon; men, mwen menm, mwen pa p patisipe. Se Minis Afè Etranje a, Mercelo Ebrard, ki va reprezante m. »

Prezidan López Obrador fè konnen li te mande Prezidan ameriken an, Joe Biden, envite tout peyi nan 9èm somè chèf deta ak chèf gouvènman kontinan ameriken an, yon randevou Òganizasyon Eta Ameriken yo (l’OEA) te inogire an 1994.

XS
SM
MD
LG