Accessibility links

Breaking News

Etazini, Ko-Òganizate Pwochen Somè Mondyal KOVID-19 la, San Fon ki Apwouve pou Lit kont Pandemi an


FILE - Workers at the South African pharmaceutical major Aspen Pharmacare pass a bottle at its Johnson & Johnson COVID-19 vaccine facility in Gqeberha, South Africa, Oct. 25, 2021.

MEZON BLANCH - Nan moman pandemi kowonaviris la touye yon afè de 15 milyon moun atravè lemond -pami yo gen yon milyon Ozetazini- Administrasyon Biden nan pare pou l mobilize yon gwo efo mondyal pou mete fen yon faz malouk KOVID-19 la, malgre yon mank lajan nan peyi a e aletranje pou fè fas ak pandemi an.

Administrasyon an lanse inisyativ sa a pandan Òganizasyon Mondyal Lasante (OMS) anonse ke Pandemi KOVID-19 la koze lanmò, dirèkteman ou endirèkteman, 14 milyon 900 mil moun ant premye janvye 2020 e 31 desanm 2021.

Lèzetazini ap sèvi kòm ko-òganizatè 2èm Somè Mondyal sou KOVID-19 la ki pral dewoule 12 me pwochen apre yon premye rankont konsa ki te fèt an septanm 2021. Somè vityèl sa a pral make yon chanjman kote responsab yo t ap itilize yon strateji jesyon kriz pou yo pase nan yon apwòch pi dirab kote yo bati rezilyans nan sistèm sante piblik la.

Yon otorite wo plase nan aAministrasyon Biden nan ki pale ak Lavwadlamerik, fè konnen: “Viris la –e sitou varyan omikwonn nan- montre nou ke nou fèt pou evolye nan strateji nou.” Objektif la, daprè ofisyèl la, se redui transmisyon, kantite lanmò yo ak ospitalizasyon yo, olye yo chache elimine viris la.

XS
SM
MD
LG