Accessibility links

Breaking News

Asanina yon 9èm Jounalis nan Peyi Meksik pou Ane 2022 a


Enrique Ramirez, 9èm jounalis ki viktim zak asasina nan Peyi Meksik depi ane a te kòmanse.

MEKSIKO — O Meksik, otorite yo fè konnen yo jwenn kadav yon jounalis nan Eta Sinaloa, ki nan pati nodwes peyi. Sa fè 9èm travayè laprès ki pèdi lavi l nan peyi a, yon sitiyasyon vyolans ki atire yon atansyon entènasyonal. Non viktim nan se Luis Enrique Ramirez, yon jounalis veteran ki t ap ekri nan jounal El Debate. Yo jwenn li mouri arebò yon otowout, dapre sa minis jistis Sinaloa a deklare sou kont Twitter li.

PDG jounal la di se fòs sekirite peyi a ki dekouvri kadav la nan yon valiz nwa kote yo te vlope l ak plastik. El Debate ekri pou l di Luis Ramirez sete yon pèsonalite byen popilè nan Sinaloa ak lòt kote, paske li te travay pou kèk nan pi gwo jounal meksiken yo pandan yon karyè ki depase 40 tan. Ramirez te konn resevwa menas e li te viktim agresyon, dapre sa Artículo 19, yon òganizasyon dwazimen ki travay sou libète laprès, fè ajans nouvèl Reuters konnen. Sa gen kèk ane, Ramirez te bay yon medya lokal yon entèvyou kote l te deklare:

“Mwen santi yon danje ki ka fè m tounen pwochen viktim nan, paske mwen gen menm pwofil ak moun yo deja asasinen yo.”

Pòtpawòl prezidansyèl la, Jesus Cuevas, ekri sou kont Twitter li jedi apre midi pou l di gouvènman federal la pral travay avèk ni gouvènman eta yo ni gouvènman lokal yo pou yo mennen ankèt sou lanmò Ramirez la e yo pral ranfòse sekirite a alantou jounalis yo.

XS
SM
MD
LG