Nouvèl sou enfeksyon yo ki moute an flèch la rive menm jou kote Grand’Bretay sispann distribye tès rapid COVID bay pifò popilasyon an, nan kad plan premye-minis Boris Johnson ki rele "viv avek COVID".
Selon plan Johnson nan, moun ki pa gen kondisyon ki fè yo frajil devan COVID-19 dwe peye pou tès yo pou yo ka konnen si yo enfekte.
Yo lage responsabilite akselerasyon sa a sou varyan BA.2 omicron nan ki atrapan anpil e ki lakoz yon ogmantasyon nan ka moun ki entène lopital ak kantite moun ki mouri. Sepandan, yo espere kantite ka enfeksyon yo ka komanse desann mwa sa a ak nan mwa k-ap vini an selon sa otorite yo fè konnen.
Dapre yon nouvel Ajans Nouvel Associated Press yon profesè biyoloji nan Inivèsite Oxford di li kwè pifo moun nan peyi a pral enfekte avek varyan an nan sezon ete sa a.
Sant Resous Coronavirus rapote bone yè dimanch la ke li anrejistre plis pase 490 milyon ka COVID ak plis pase 6 milyon ka lanmò. Travayè lasante yo bay preske 11 milya doz vaksen dapre Johns Hopkins.