Accessibility links

Breaking News

Japon Pa Gen Okenn Entansyon Sispann Gwo Pwojè Gaz Li Genyen ak Larisi


FILE - Premye Minis Japonè Fumio Kishida.

Premye Minis Japonè Fumio Kishida deklare ke Japon pa gen okenn entansyon pou retire kò l nan yon gwo pwojè gaz yo genyen ak Larisi, malgre yo adopte plizyè sanksyon kont Larisi, menmjan ak peyi oksidantal yo, apre envazyon Moskou nan Ikrèn.

Japon, ki depann de enèji ris ap lite, tankou tout lòt nasyon, pou l balanse bezwen gaz peyi yo beswen chak jou. Tokyo se yon alye pwòch Washington.

Msye Kishida t ap pale nan palman an, te di pwojè Sakhalin-2 nan Ekstrèm Oryan Larisi a, ap ede moun yo achte gaz "alontèm, ak yon pri ki ba e ki estab".

"Sa a se yon pwojè trè enpòtan pou sekirite enèji nou an," li te di. "Entansyon nou se pa soti ladan li."

Depi Larisi te anvayi Ikrèn, jeyan gaz Britanik la Shell, ki gen yon pati nan 27,5% nan pwojè Sakhalin-2 - 50% kontwole pa gwoup Ris Gazprom - te deside retire ko li.

Gwoup Japonè Mitsui a gen yon pati nan 12.5% ak konpatriòt li Mitsubishi 10%.

Sepandan, Kishida ensiste ke Japon t ap chèche jwenn sous enèji altènatif. Anliny ak politik lòt peyi G7 yo, "nou pral kontinye fè efò pou redwi depandans enèji nou sou Larisi," li te di.

Larisi bay plis pase 8% demann LNG Japon an, pandan y ap ekspòtasyon Ostralyen yo depann anviwon 40% de mache Japonè a.

XS
SM
MD
LG