Sa gen kèk jou depi otorite nan Mezon Blanch, Depatman Deta ak Pentagòn nan ap repouse pawòl Moskou yo - ke media sosyal nan ekstrèm dwat ak ekstrèm goch yo ap repete, ansanm ak kèk medya tradisyonèl nan Etazini - pawòl ki di ke fòs ris yo jwenn, e nan kèk ka detwi, laboratwa zam byolojik ke Etazini te finanse nan Ikrèn.
"Mwen krenn ke se kapab nouvo direksyon yon operasyon poze-zak pou lage sou dò zòt," se sa chef komisyon ransèyman nan Sena a, Demokrat Mark Warner, di prensipal responsab ransèyman Etazini yo nan yon
depozisyon jedi. Yon Repibliken nan komisyon an, Senatè Marco Rubio, deklare akizasyon LaRisi an, mete ansanm ak kòmantè kèk otorite ameriken te fè lòt jou la a, fè "tèt kèk moun cho".
Responsab sèvis ransèyman yo fè wè ke, pandan gen plis pase yon douzèn laboratwa byolojik nan Ikrèn, travay yo santre sou efò pou konprann e prevni pandemi ak pwopagasyon maladi kontajye, se pa anyen anplis.